Cape Verde FIFA World Cup: ఫిఫా వరల్డ్ కప్ లో ప్రతి మ్యాచ్ కూడా నువ్వా నేనా అన్నట్టుగా సాగుతూ ఉంటుంది. పోరాడే జట్లు ట్రోఫీ కోసం చివరి వరకు సర్వశక్తులు ఒడ్డుతాయి. అందువల్లే ఫిఫా మ్యాచ్ లు చూసేందుకు ప్రపంచ వ్యాప్తంగా అభిమానులు ఆసక్తిని ప్రదర్శిస్తుంటారు. నరాలు తెగే ఉత్కంఠ ఉంటుంది కాబట్టి ఫిఫా మ్యాచ్ లకు రికార్డు స్థాయిలో ప్రేక్షకులు హాజరవుతుంటారు. ఇక టీవీలలో అయితే చెప్పాల్సిన పనిలేదు. ఇప్పుడు ఓటీటీలు అందుబాటులోకి వచ్చాయి కాబట్టి.. మరింత ఆదరణ ప్రేక్షకుల నుంచి లభిస్తోంది.
ప్రస్తుతం జరుగుతున్న ఫిఫా టోర్నీలో ఓ జట్టు గొప్ప విజయాలు సాధించకపోయినప్పటికీ.. అద్భుతమైన పోరాటాన్ని ప్రదర్శించింది. ప్రపంచవ్యాప్తంగా కోట్ల మంది అభిమానాన్ని సొంతం చేసుకుంది. ఆ జట్టు మీద అంతగా అంచనాలు లేకపోయినప్పటికీ.. ఆ జట్టులో స్టార్ ప్లేయర్లు లేకపోయినప్పటికీ.. అద్భుతమైన ఆట తీరు కొనసాగించింది. అందువల్లే ఆ జట్టు గురించి సరికొత్త చర్చ మొదలైంది.
ఫిఫా వరల్డ్ కప్ లో ఈసారి కాబో వర్డే జట్టు కొనసాగించిన పోరాట స్ఫూర్తి అసాధారణంగా ఉంది. ప్రపంచ కప్ లోనే అద్భుతమైన ఆట తీరుతో సరికొత్త పేరు తెచ్చుకుంది.. లీగ్ దశలో పటిష్టమైన స్పెయిన్.. ఉరుగ్వే, సౌదీ అరేబియా జట్లతో మ్యాచ్ లను డ్రా చేసుకుంది. నాకౌంట్లో డిపెండింగ్ ఛాంపియన్ అర్జెంటీనా జట్టుతో జరిగిన పోరులో 2-3 తేడాతో ఓడిపోయింది. వరల్డ్ కప్ నుంచి నిష్క్రమించింది.
కాబో వర్డే దేశంలో నిన్న స్వాతంత్ర్య దినోత్సవం జరిగింది. ఈ నేపథ్యంలో కాబో వర్డే జట్టు సొంత దేశంలో అడుగుపెట్టింది. ఈ క్రమంలో జట్టు ప్లేయర్లకు ఎయిర్ పోర్ట్ లో వేలాది మంది ప్రజలు ఘనమైన స్వాగతం పలికారు. ఆ దేశంలో జనాభా 5.5 లక్షలు ఉంటారు. దేశ జనాభాలో దాదాపు 90 శాతం మంది విమానాశ్రయానికి వచ్చి స్వాగతం పలికారు. కీలకమైన మ్యాచులలో అద్భుతమైన ప్రదర్శన చేసిన నేపథ్యంలో కాబో వర్డే గురించి గ్లోబల్ వ్యాప్తంగా చర్చ నడిచింది. లెజెండరీ ఫుట్బాల్ ప్లేయర్లు కూడా కాబో వర్డే జట్టు ఆటు తీరును మెచ్చుకున్నారు.
