TANA Mini MahaNadu In Los Angeles: ఆంధ్రప్రదేశ్లో ఇటీవలే తెలుగుదేశం పార్టీ మహానాడు నిర్వహించారు. పార్టీ వ్యవస్థాపకుడు నందమూరి తారకరామారావు జయంతి సందర్భంగా టీడీపీ మహానాడునిర్వహించడం ఆనవాయితీగా వస్తోంది. కడపలో ఈసారి మహానాడు మూడు రోజులు నిర్వహించారు. ఇక అమెరికాలోని లాస్ ఏంజెల్స్లో కూడా జూన్ 1న మిటీ మహానాడు, నందమూరి తారకరామారావు జయంతి వేడుకలు నిర్వహించారు.
లాస్ ఏంజెల్స్లో నివసిస్తున్న తెలుగుదేశం పార్టీ (టీడీపీ), శ్రీ నందమూరి తారక రామారావు (ఎన్టీఆర్) అభిమానులు ఆయన జయంతిని పురస్కరించుకొని ‘మినీ మహానాడు‘ను అత్యంత ఉత్సాహంతో నిర్వహించారు. ఈ కార్యక్రమం ఎన్టీఆర్ సేవలను స్మరించడంతోపాటు, టీడీపీ భవిష్యత్తు గురించి చర్చించే వేదికగా నిలిచింది. లాస్ ఏంజెల్స్, సాన్ డియేగో నగరాల నుంచి తెలుగు ప్రవాసులు ఈ వేడుకలకు ఉత్సాహంగా పాల్గొన్నారు.
వేడుకలకు శ్రీకారం..
కార్యక్రమం అట్లూరి శ్రీహరి జ్యోతి ప్రజ్వలనతో ప్రారంభమైంది. ఈ సందర్భంగా పలువురు ప్రముఖులు ఎన్టీఆర్ గారి సేవలను, ఆయన తెలుగు జాతికి అందించిన గుర్తింపును గుర్తుచేస్తూ ప్రసంగించారు.
ఎన్టీఆర్ సేవలపై చర్చ
శ్రీధర్ శాతులూరి, సురేష్ కందేపు తమ ప్రసంగాల్లో ఎన్టీఆర్ తెలుగు సమాజానికి అందించిన గొప్ప సేవలను కొనియాడారు. సురేష్ అయినంపూడి, విష్ణు యలమంచి మహానాడు చరిత్రను, దాని ప్రస్తుత ప్రాముఖ్యతను వివరించారు.
టీడీపీ భవిష్యత్తు దిశగా చర్చ
ప్రతాప్ మేతారమిట్ట, హేమకుమార్ గొట్టి టీడీపీ భవిష్యత్తును, నారా లోకేష్ నాయకత్వంలో పార్టీ రాబోయే దశాబ్దాల్లో సాధించే విజయాలను చర్చించారు. సుమంత్ వైదన ఎన్టీఆర్ కుటుంబం, ముఖ్యంగా నందమూరి బాలకష్ణ గారి క్యాన్సర్ ఆసుపత్రి సేవలను ప్రశంసించారు.
అభిమానుల జ్ఞాపకాలు
వెంకట్ కోలనూపాక తాను ఎన్టీఆర్ సినిమాల ద్వారా ఆకర్షితులై, చంద్రబాబు నాయుడు గారి నాయకత్వంతో టీడీపీ వీరాభిమానిగా మారిన అనుభవాన్ని పంచుకున్నారు. ప్రశాంత్ అల్లాని ఎన్టీఆర్ గారిని విమానంలో కలిసిన సందర్భాన్ని గుర్తుచేసుకున్నారు. సుబ్బారావు నెలకుడితి, శ్రీనివాస్ కొల్లు పార్టీ ఆవిర్భావం నుండి తమ మద్దతును వివరించారు.
వేడుకల ముగింపు
కార్యక్రమం ముగింపులో సురేష్ అంబటి, రామ్ యలమంచిలి, రామ్ యార్లగడ్డ, పరశురాం బోడెంపూడి, రామ్ చదలవాడ, వాసు వెలినేని, శ్రీకాంత్ రామినేని, శ్రీకాంత్ అమినిని, రవి చుండ్రు, వెంకట్ కోరిపెల్ల, కృష్ణ బాసమ్, శ్రీని వంకాయలపాటి తదితరులు ఎన్టీఆర్ జయంతి కేక్ కట్ చేసి, తమ అభిమానాన్ని చాటుకున్నారు.
లాస్ ఏంజెల్స్లో జరిగిన ఈ మినీ మహానాడు, ఎన్టీఆర్ జయంతి వేడుకలు విజయవంతంగా ముగిశాయి. ఈ కార్యక్రమం ఎన్టీఆర్ మరియు టీడీపీ పట్ల ప్రవాస తెలుగు సమాజం యొక్క అచంచలమైన అభిమానాన్ని మరోసారి నిరూపించింది.
