అఫ్గాన్ తాలిబన్ల చేతుల్లోకి వెళ్లడంతో ఆఫ్గన్ తో ఇండియా సంబంధాలు ఎలా ఉండబోతున్నాయన్నది ఆసక్తిగా మారింది. దీనిపై కేంద్ర విదేశాంగ మంత్రి జైశంకర్ స్పందించారు. తాము ఎప్పటికప్పుడు ఆఫ్గన్ పరిస్థితిని పర్యవేక్షిస్తున్నట్లు చెప్పారు. ఆఫ్ఘన్ ప్రజలతో ఉన్న సంబంధాలే ఆ దేశంతో భారత్ ఎలా వ్యవహరించాలన్నది నిర్దేశిస్తుందని జైశంకర్ స్పష్టం చేశారు. ప్రస్తుతానికి అందరిలాగే మేకు కూడా ఆఫ్ఘన్ పరిణామాలను జాగ్రత్తగా పరిశీలిస్తున్నాం. అక్కడి భారతీయుల భద్రత, వారిని సురక్షితంగా వెనక్కి తీసుకురావడంపైనే దృష్టి సారిస్తున్నాం అని ఆయన అన్నారు.
