Peddi collections : గ్లోబల్ స్టార్ రామ్ చరణ్ నటించిన ‘పెద్ది’ చిత్రం బాక్స్ ఆఫీస్ వద్ద ఇప్పటికీ విజయవంతంగా రన్ అవుతూ ముందుకు దూసుకువెళ్తోంది. ఈ చిత్రానికి నమోదు అవుతున్న వసూళ్లను చూసి టాలీవుడ్ ట్రేడ్ వర్గాలు చాలా సంతోషాన్ని వ్యక్తం చేస్తున్నాయి. సంక్రాంతి తర్వాత విడుదలైన ప్రతీ సినిమా , బాక్స్ ఆఫీస్ వద్ద దారుణమైన పరాజయాన్ని సొంతం చేసుకున్నాయి. కొన్ని సినిమాలకు టాక్ వచ్చినప్పటికీ కూడా ఫ్లాప్ అయ్యాయి. ఇలాంటి డ్రై సీజన్ లో బయ్యర్స్ కి ‘పెద్ది’ చిత్రం ఇచ్చిన ఊపు సాధారణమైనది కాదు. మూతపడిన థియేటర్స్ కూడా మళ్లీ తెరుచుకున్నాయి. 10 రోజులు దాటినా కూడా, ఈ సినిమాకు వరల్డ్ వైడ్ గా చెక్కు చెదరని గ్రాస్ వసూళ్లు నమోదు అవుతున్నాయి. నేడు ఈ చిత్రానికి సంబంధించిన థియేటర్స్ లో టిక్కెట్ రేట్స్ తగ్గించారు మేకర్స్. దాని ప్రభావం నిన్నటి కలెక్షన్స్ మీద చూపించింది , నేటి కలెక్షన్స్ పైన కూడా చూపిస్తోంది.
నిన్ననే తగ్గించిన టిక్కెట్ రేట్స్ తో ఈరోజుటికి సంబంధించిన అడ్వాన్స్ బుకింగ్స్ ని ఓపెన్ చేశారు. కానీ నిన్నటి టిక్కెట్ రేట్స్ మాత్రం భారీగానే ఉన్నాయి. ఎలాగో రేపు టిక్కెట్ రేట్స్ తగ్గించారు కదా, రేపే వెళ్దాం అనే ఆలోచనలోకి ఆడియన్స్ వచ్చారు , అందుకే నిన్న వీకెండ్ అయినప్పటికీ కలెక్షన్స్ ఆశించినంతగా లేవు. తెలుగు రాష్ట్రాల నుండి కేవలం 3 కోట్ల 50 లక్షల రూపాయిల షేర్ వసూళ్లను మాత్రమే రాబట్టింది. కానీ నేడు మాత్రం ప్రతీ సెంటర్ లోనూ హౌస్ ఫుల్స్ నమోదు అవుతున్నాయి. వైజాగ్ , కాకినాడ, నెల్లూరు, విజయవాడ, హైదరాబాద్ ఇలా చెప్పుకుంటూ పోతే, ప్రధాన నగరాల్లో ఈ చిత్రానికి అదనపు థియేటర్స్ ని షెడ్యూల్ చేస్తున్నారు. ఆ థియేటర్స్ ని యాడ్ చేసిన నిమిషాల వ్యవధిలోనే హౌస్ ఫుల్స్ అయిపోతున్నాయి. దీనిని బట్టీ ఫ్యామిలీ ఆడియన్స్ టిక్కెట్ రేట్స్ తగ్గడం తో ఏ రేంజ్ లో థియేటర్స్ కి కదులుతున్నారో అర్థం చేసుకోవచ్చు.
టిక్కెట్ రేట్స్ తగ్గాయి , పబ్లిక్ లో టాక్ కూడా చాలా పాజిటివ్ గా ఉంది, ఇక ఫ్యామిలీ ఆడియన్స్ మరో రెండు వారాలు ఈ చిత్రానికి జాతర లాగా కదులుతారని అభిమానులు , మేకర్స్ బలంగా నమ్ముతున్నారు. మరి అది ఎంత వరకు నిజం అవుతుందో చూడాలి. ఇక పోతే నేడు బుక్ మై షో యాప్ లో ఈ చిత్రానికి గంటకు 15 వేలకు పైగా టిక్కెట్స్ అమ్ముడుపోతున్నాయి. మ్యాట్నీ షోస్ వరకు ఈ చిత్రానికి ఆన్లైన్ లో ట్రాక్ అయినటువంటి గ్రాస్ దాదాపుగా 4 కోట్ల రూపాయిల వరకు ఉందని అంచనా. చూస్తుంటే నేడు ఈ చిత్రానికి కేవలం తెలుగు రాష్టాల నుండే 7 కోట్ల రూపాయలకు పైగా షేర్ వసూళ్లు నమోదు అయ్యేలా అనిపిస్తోంది.
