జపాన్ లో కరోనా వైరస్ డెల్టా వేరియంట్ కేసులు పెరుగుతున్న నేపథ్యంలో అత్యయిక స్థితి ప్రకటించారు. దాంతో ఈనెల 23 నుంచి ప్రారంభంకానున్న టోక్యో ఒలింపిక్స్ ను ప్రేక్షకులు లేకుండానే నిర్వహించాలని అధికారులు నిర్ణయించారు. ఈ విషయాన్ని తెలియజేస్తూ టోక్యో ఒలింపిక్స్ 2020 అధ్యక్షురాలు సీకో హషిమోటో విచారం వ్యక్తం చేశారు. ఒలింపిక్స్ గేమ్స్ ను ప్రత్యక్షంగా చూడాలని టికెట్లు కొన్నవారికి ఈ సందర్భంగా ఆమె క్షమాపణలు చెప్పారు.