10th pass government jobs: రెండు తెలుగు రాష్ట్రాల్లో 10వ తరగతి పరీక్షా ఫలితాలు వచ్చేసాయి. చాలామంది విద్యార్థులు ఉత్తీర్ణులయ్యారు. మెరిట్ మార్కులు సాధించి అదరగొట్టారు. కొందరేమో తదుపరి చదువులు చదవడానికి సిద్ధంగా ఉన్నారు. ఇంకొందరేమో ఆర్థిక పరిస్థితి బాగోలేక పదవ తరగతి పూర్తయిన తర్వాత ఉద్యోగాలు చేయాలని గట్టిగా నిర్ణయించుకున్నారు. ప్రైవేట్ కొలువులకు గ్యారెంటీ ఉండదు. సర్కారీ ఉద్యోగాల్లో ఆర్థిక భరోసా అధికంగా ఉంటుంది. 10వ తరగతి పూర్తి అయిన తర్వాత ఉన్న సర్కారీ ఉద్యోగాలు ఏంటి.. వాటికోసం ఎలా శిక్షణ పొందా.. ఆ ఉద్యోగాలు ఎలా సాధించాలి.. ఈ కథనంలో తెలుసుకుందాం.
పదో తరగతి పూర్తయిన తర్వాత చాలావరకు ప్రభుత్వ ఉద్యోగాలు అందుబాటులో ఉన్నాయి.. నేవి, ఆర్మీ, ఎయిర్ ఫోర్స్, పార మిలిటరీ దళాలు, సాయుధ బలగాలలో పనిచేయడానికి అవకాశాలుంటాయి.
పదవ తరగతి అర్హతతో ఆర్మీలో అగ్ని వీర్ (సాధారణ విధులు), అగ్ని వీర్ (ట్రేడ్స్ మెన్) పోస్టులు సాధించడానికి అవకాశం ఉంటుంది.
నేవీలో అగ్ని వీర్ మెట్రిక్ ఉద్యోగాలు ఉంటాయి. వంట పని, వంటకాలను సరఫరా చేసే పని, శానిటరీ ని పర్యవేక్షించే పని, మ్యూజిషియన్, సెయిలర్, వాచ్మెన్, సఫాయివాల, టాటా ఎంట్రీ ఆపరేటర్, టెలిఫోన్ ఆపరేటర్, ఎల్డిసి, చార్జిమెన్ వంటి పోస్టులు టెన్త్ అర్హతతో సాధించవచ్చు.
ఎయిర్ ఫోర్సులో అగ్ని వీర్ వాయు, నాన్ కంబాటంట్ ఉద్యోగాలు చేయవచ్చు. వీడియో హౌస్ కీపింగ్, హాస్పిటల్ స్టీమ్స్ ఉద్యోగాలకు అర్హత ఉంటుంది.
ఇండియన్ కోస్ట్ గార్డులో నావిక్ పోస్టులు కూడా టెన్త్ అర్హతతో భర్తీ చేస్తారు. తర్వాత పరీక్ష, ఫిజికల్ టెస్ట్, మెడికల్ టెస్ట్ లో వచ్చిన నైపుణ్యాల ఆధారంగా ఈ ఉద్యోగాలను భర్తీ చేస్తారు.
పారా మిలిటరీ దళాలలో కూడా కానిస్టేబుల్ పోస్టులకు టెన్త్ అర్హతతో పోటీ పడవచ్చు. స్టాఫ్ సెలక్షన్ కమిషన్ దీనికోసం ప్రత్యేక నోటిఫికేషన్ విడుదల చేస్తుంది. స్టాఫ్ సెలక్షన్ కమిషన్ మల్టీ టాస్కింగ్ ద్వారా నియామకాలను భర్తీ చేస్తుంది. రాత పరీక్షలో చూపించిన ప్రతిభ ఆధారంగా ఉద్యోగం లభిస్తుంది.
ఇండియన్ రైల్వే డిపార్ట్మెంట్ గ్రూప్ డి పరిధిలో ఉన్న ట్రాక్మెన్, ట్రాక్ ఖలాసి, పాయింట్ మెన్, గేట్ మెన్, హెల్పర్ వంటి పోస్టులను టెన్త్ అర్హతతో భర్తీ చేస్తారు.
ఇండియన్ పోస్టల్ డిపార్ట్మెంట్లో కూడా టెన్త్ అర్హత ఆధారంగా డాక్ సేవక్ పోస్టులు ఉంటాయి. మెరిట్ ఆధారంగా ఈ నియామకాలు చేపడతారు.