National Highways: వైట్‌టాపింగ్‌తో జాతీయ రహదారులు.. అసలేంటి కొత్త టెక్నాలజీ.. దీని వల్ల ప్రయోజనాలేంటంటే?

National Highways: భారతదేశంలో ప్రస్తుతం 1.46 లక్షల కి.మీ పొడవు జాతీయ రహదారుల నెట్‌వర్క్‌ ఉంది. మోదీ ప్రధాని అయ్యాక రహదారుల నిర్మాణానికి అధిక ప్రధాన్యం ఇస్తున్నారు. ప్రాంతీయ, రాష్ట్ర రహదారులను జాతీయ రహదారులతో అనుసంధానం చేస్తున్నారు. దీంతో మోదీ ప్రధాని అయ్యాక దాదాపు లక్ష కిలోమీటర్ల జాతీయ రహదారులు నిర్మాణం జరిగింది. మోదీ ప్రధానంగా నేషనల్‌ హైవేలు, ఎక్స్‌ప్రెస్‌ హైవేలకు అధిక ప్రాధాన్యం ఇస్తున్నారు. అవసరమైతే విమానాలు కూడా ల్యాండ్‌ అయ్యేలా రోడ్ల నిర్మాణం చేయిస్తున్నారు. ఇందు కోసం భారీగానే ఖర్చు చేస్తున్నారు. అయితే నిర్మించిన కొన్ని రోజులకే రోడ్లు కుంగిపోవడం, తారు చెదిరిపోవడం, గుంతలు పడడం వంటి ఘటనలు ఇటీవల తరచూ జరుగుతున్నాయి. ఈ నేపథ్యంలో గుంతలు లేని జాతీయ రహదారుల నిర్మాణంపై కేంద్రం దృష్టిపెట్టింది. రహదారుల జీవితకాలం పెంచేందుకు ఫ్లెక్సిబుల్‌ పేవ్‌మెంట్‌ అత్యంత ముఖ్యమైన, అతిపెద్ద భాగం. ఫ్లెక్సిబుల్‌ పేవ్‌మెంట్‌ కోసం అనేక పునరావాస/బలపరిచే పద్ధతులు అందుబాటులో ఉన్నాయి. వైట్‌ టాపింగ్‌ వాటిలో ఒకటి. దీనిని వినియోగించడంపై కేంద్ర రహదారుల మంత్రిత్వ శాఖ దృష్టిపెట్టంది.

-వైట్‌ టాపింగ్‌ విధానంలో నిర్మాణం..

అధికారిక మంత్రిత్వ శాఖ పత్రాల ప్రకారం.. ప్రధాన మంత్రి గ్రామ్‌ సడక్‌ యోజన కింద వైట్‌టాపింగ్‌ను విస్తృతంగా ఉపయోగిస్తున్నారు. 2022 మార్చి నాటికి నేషనల్‌ రూరల్‌ ఇన్‌ఫ్రాస్ట్రక్చర్‌ డెవలప్‌మెంట్‌ ఏజెన్సీ వైట్‌ టాపింగ్‌ కోసం 4,831 కి.మీ రోడ్డు పొడవును ఆమోదించింది. 2016 నుంచి బీబీఎంపీ తన రోడ్ల కోసం ఈ సాంకేతికతను అమలు చేసింది. ప్రత్యేక మౌలిక సదుపాయాల ప్రాజెక్టుల గ్రాంట్ల క్రింద బెంగళూరులోని ఎంపిక చేసిన రోడ్లపై మొదట వైట్ టాపింగ్ విధానంలో రోడ్లు వేసి మంచి ఫలితాలు సాధించింది.

-వైట్‌టాపింగ్‌ టెక్నాలజీ అంటే..

వైట్‌టాపింగ్‌ అనేది ప్రధాన మంత్రి గ్రామ్‌ సడక్‌ యోజన కింద విస్తృతంగా ఉపయోగిస్తున్నారు. ఇది సంప్రదాయ కాంక్రీట్‌ పేవ్‌మెంట్‌లతో పోలిస్తే మెరుగైన సామర్థ్యం, జీవతకాలం, మెరుగైన భద్రత కలిగి ఉంది. పేలవమైన డ్రైనేజీ ఉన్న రోడ్లలో కొనసాగుతున్న నిర్వహణ సమస్యలను పరిష్కరించడానికి ఇది సమర్థవంతమైన దీర్ఘకాలిక పరిష్కారం. ఇప్పటికే ఉన్న బిటుమినస్‌ రోడ్ల పైన పోర్ట్‌ ల్యాండ్‌ సిమెంట్‌ కాంక్రీట్‌ ఓవర్‌లేను వర్తింపజేయడం ఈ సాంకేతికతలో ఉంటుంది. వైట్‌టాపింగ్‌ ప్రారంభ ధర ఫ్లెక్సిబుల్‌ ఓవర్‌ లే కంటే ఎక్కువగా ఉండవచ్చు. ఇది పేవ్‌మెంట్‌ జీవిత చక్రంలో ఖర్చుతో కూడుకున్న ఆర్థికపరమైన ఎంపికగా అయినా కూడా మన్నిక ఎక్కువ కాలం ఉంటుంది.

–వైట్‌టాపింగ్‌తో ప్రయోజనాలు ఇవీ..

– వైట్‌టాపింగ్‌ టెక్నాలజీ అనేది ఇప్పటికే ఉన్న బిటుమినస్‌ పేవ్‌మెంట్‌ల పైన కాంక్రీట్‌ ఓవర్‌లేను వర్తింపజేయడం. ఈ విధానం పేవ్‌మెంట్‌ జీవితకాలాన్ని 20–25 ఏళ్లపాటు పొడిగించడంతోపాటు అనేక ప్రయోజనాలను అందిస్తుందని మంత్రిత్వ శాఖ తెలిపింది.

– బిటుమినస్‌ ఓవర్‌లేలతో పోలిస్తే తక్కువ జీవితకాల ఖర్చులను మిగులుస్తుంది. అదనంగా, సాంకేతికత అధిక వర్షపాతం ఉన్న ప్రాంతాలకు అనువైన మన్నికైనది. కాంక్రీటు తేలికపాటి రంగు కాంతి ప్రతిబింబాన్ని పెంచుతుంది. తక్కువ వేడిని గ్రహిస్తుంది. పట్టణ ఉష్ణ తీవ్రత ప్రభావాన్ని తగ్గించడంలో సహాయపడుతుంది.

– సంంప్రదాయ బిటుమినస్‌ ఓవర్‌లే ప్రత్యామ్నాయంతో పోలిస్తే ఇప్పటికే ఉన్న బిటుమినస్‌ పేవ్‌మెంట్‌లపై వైట్‌టాపింగ్‌ అనేక అదనపు ప్రయోజనాలను అందిస్తుంది.

– భారతీయ పరిస్థితులకు సంబంధించిన బడ్జెట్‌ పరిమితులు, అధిక ట్రాఫిక్‌ను నిర్వహించడం ఖర్చుతో కూడుకున్నది. అధిక ఉష్ణోగ్రతల వద్ద కాంక్రీటు దృఢంగా, స్థిరంగా ఉన్నందున వైట్ టాపింగ్ టెక్నాలజీ సమర్థవంతంగా రోడ్లను రక్షిస్తుంది.

– బిటుమినస్‌ రోడ్ల కంటే కాంక్రీట్‌ రోడ్లపై వాహనాలు తక్కువ ఇంధనాన్ని వినియోగిస్తాయి.

– బిటుమినస్‌ ఓవర్‌లేలు నాణ్యత, సామర్థ్యాన్ని వేగంగా కోల్పోతాయి. ప్రతి వరుస ఓవర్‌లే తక్కువ జీవితకాలం ఉంటుంది. వైట్‌టాపింగ్‌ బిటుమినస్‌ పేవ్‌మెంట్‌లలో ముఖ్యంగా వేడి వాతావరణంలో సాధారణంగా ఉండే రూటింగ్‌, క్రాకింట్ వంటి పగుళ్ల సమస్యలను నిరోధించి ఎక్కువ కాలం రోడ్లు నాణ్యతగా ఉంచుతుంది.