Flying Fish : చేప నీటికి రాణి.. దానికి ప్రాణం నీరు.. ఈ కవితను దాదాపు ప్రతి ఒక్కరూ చిన్నతనంలో చదివి ఉంటారు. అయితే నీటికి రాణిగానే కాకుండా గాలిలో కూడా ఎగరగలిగే ఒక చేప ఉందని మీకు తెలుసా. అవును మనం అలాంటి చేప గురించి ఈ కథనంలో తెలుసుకుందాం. ఇది నీటిలో జీవించడమే కాకుండా గాలిలో కూడా ఎగురుతుంది. భూమిపై వేల జాతుల చేపలు కనిపిస్తాయి. వీటిలో కొన్ని చేపలు లోతైన సముద్రంలో, మరికొన్ని నదుల్లో కనిపిస్తాయి. ఇది మాత్రమే కాదు, ఇప్పటి వరకు శాస్త్రవేత్తలకు కూడా తెలియని చాలా చేపలు ఉన్నాయి. ఈ రోజు మనం నీటిలో జీవించగల, గాలిలో ఎగరగల చేప గురించి తెలుసుకుందాం. కాకపోతే అవి చాలా దూరం ఎగరలేవు.
ఈ చేపలకు రెక్కలు
ఇప్పటి వరకు మనం చూసిన చేపలకు రెక్కలు ఉండవు. ఈ చేపలు ఎప్పుడూ నీటిలోనే ఉంటాయి. కానీ కొన్ని ప్రత్యేకమైన చేపలు గాలిలో ఎగరగలవు. అంతే కాదు వాటి వేగం కూడా ఎక్కువగా ఉంటుంది. సమాచారం ప్రకారం, ఈ చేపలు 200 మీటర్ల వరకు మాత్రమే ఎగురుతాయి. ఈ చేపను గ్లైడర్ అంటారు. ఈ చేపలకు రెక్కలు కూడా ఉంటాయి. ఈ రెక్కలు చేప శరీరం బయట అంతా వ్యాపించి ఉంటాయి. ఈ రెక్కల సహాయంతో ఈ చేపలు ఎగరగలుగుతాయి.
ఎగిరే చేప
నీటిలో నివసించే ఈ చేపలను ఫ్లయింగ్ ఫిష్ అంటారు. సాధారణంగా ఈ చేపల పొడవు 17 నుంచి 30 సెంటీమీటర్లు ఉంటుంది. సమాచారం ప్రకారం, సముద్రంలో దోపిడీ చేపల నుండి తప్పించుకోవలసి వచ్చినప్పుడు అవి గాలిలో ఎగురుతాయి. అయితే, ఒక్కసారి నీటిలో నుంచి బయటికి రాగానే గాలిలోకి ఎగిరి మళ్లీ నీటిలోకి వస్తాయి. నీటి నుండి బయటకు వచ్చిన తర్వాత, ఈ చేపలు రెక్కలు విప్పుతాయి. ఈ చేపల ప్రత్యేకత ఏమిటంటే అవి నీటి లోపల, వెలుపల స్పష్టంగా చూడగలవు.
200 మీటర్ల వరకు ఎగరగలవు
శాస్త్రవేత్తల ప్రకారం, ఈ చేపలు చాలా మంచి గ్లైడర్లు. అయితే, నీటి ఉష్ణోగ్రత 20 డిగ్రీల కంటే తక్కువగా ఉన్నప్పుడు, ఈ చేపలు సరిగా ఎగరలేవు. దీనికి కారణం వారి కండరాలు, తక్కువ ఉష్ణోగ్రతలలో బలహీనంగా మారతాయి. ఈ చేపను ప్రపంచవ్యాప్తంగా ‘ఫ్లయింగ్ ఫిష్’ అని కూడా పిలుస్తారు.
