Bheemla Nayak Pre Release Event Postponed: గౌత‌మ్ రెడ్డి హ‌ఠాన్మ‌ర‌ణంతో భీమ్లా నాయ‌క్ ప్రీ రిలీజ్ వేడుక వాయిదా

Bheemla Nayak Pre Release Event Postponed: ప‌వ‌న్ క‌ల్యాణ్ న‌టించిన భీమ్లా నాయ‌క్ ప్రీ రిలీజ్ వేడుక వాయిదా ప‌డింది. ఆంధ్ర‌ప్ర‌దేశ్ ఐటీ, పుర‌పాల‌క శాఖ మంత్రి మేక‌పాటి గౌత‌మ్ రెడ్డి హ‌ఠాన్మ‌ర‌ణంతో ఈ కార్య‌క్ర‌మం వాయిదా వేసిన‌ట్లు జ‌న‌సేన అధినేత‌, క‌థానాయ‌కుడు ప‌వ‌న్ క‌ల్యాణ్ ప్ర‌క‌టించారు ఈ మేర‌కు ఓ ప్ర‌క‌ట‌న విడుద‌ల చేశారు. ఏపీలో శ‌క్తివంత‌మైన నాయ‌కుడిగా, మంత్రిగా ఉన్న గౌత‌మ్ రెడ్డి అనంత లోకాల‌కు వెళ్ల‌డం బాధ క‌లిగించింద‌ని బాధాత‌ప్తక‌రంగా ఆవేద‌న వ్య‌క్తం చేశారు. ఈ విషాద స‌మ‌యంలో వేడుక చేసుకోవ‌డం స‌మంజ‌సం కాద‌ని పేర్కొన్నారు.

 

భీమ్లా నాయ‌క్ ప్రీ రిలీజ్ వేడుక త్వ‌ర‌లో నిర్వ‌హిస్తామ‌ని చిత్ర నిర్మాణ సంస్థ ప్ర‌క‌టించింది. గౌత‌మ్ రెడ్డి మ‌ర‌ణానికి సంతాపం తెలిపారు. మ‌ళ‌యాలంలో ఘ‌న విజ‌యం సాధించిన అయ్య‌ప్ప‌నుమ్ కోషియ‌మ్ చిత్రాన్ని తెలుగులో రీమేక్ చేశారు. ప‌వ‌న్ క‌ల్యాణ్ కు ఉన్న ఇమేజ్ నేప‌థ్యంలో సినిమాకు ఇప్ప‌టికే సంచ‌ల‌న‌మైన లైకులు వ‌స్తున్నాయి. భీమ్లా నాయ‌క్ తో మ‌రో విజ‌యం అందుకోవ‌డానికి ప‌వ‌న్ క‌ల్యాణ్ రెడీగా ఉన్న‌ట్లు తెలుస్తోంది.

Also Read:  ఏపీ ఐటీ, ప‌రిశ్ర‌మల శాఖ మంత్రి గౌత‌మ్ రెడ్డి గుండెపోటుతో మృతి

సాగ‌ర్ కె. చంద్ర ద‌ర్శ‌క‌త్వంలో రూపుదిద్దుకుంటున్న ఈ సినిమాకు త్రివిక్ర‌మ్ సంభాష‌ణ‌లు అందిస్తున్నారు. త‌మ‌న్ స్వ‌రాలు స‌మ‌కూర్చారు.దీంతో దీనిపై అంద‌రికి అంచ‌నాలు పెరిగిపోతున్నాయి. ప‌వ‌న్ క‌ల్యాణ్ మ‌రో మైలురాయి దాటొచ్చ‌ని చెబుతున్నారు. ఈ సినిమాపై అంద‌రి ఆశ‌ల‌ను పెంచేలా త‌న‌దైన శైలిలో న‌ట‌న ఉంటుంద‌ని తెలుస్తోంది. ఈ నేప‌థ్యంలో భీమ్లానాయ‌క్ ప్రీ రిలీజ్ వేడుక వాయిదా ప‌డ‌టం అంద‌రిలో ఎప్పుడు నిర్వ‌హిస్తారోన‌ని ఎదురు చూస్తున్నారు.

మొత్తానికి సాటి రాజ‌కీయ నేత హ‌ఠాన్మ‌ర‌ణంతో ప‌వ‌న్ కల్యాణ్ త‌న సినిమా ప్రీ రిలీజ్ వేడుక‌ను వాయిదా వేసుకోవ‌డం కూడా మాన‌వ‌త్వంతో కూడుకున్న‌దే. అంద‌రు ఏడుస్తుంటే తామెలా సంతోషంగా ఉంటామ‌ని వాయిదాకే మొగ్గు చూప‌డం మంచి ప‌రిణామ‌మే విషాద స‌మ‌యాన్ని వినోదంగా చూడ‌లేమ‌ని ప‌వ‌న్ కల్యాణ్ భావించి వాయిదా వేస్తూ తీసుకున్న నిర్ణ‌యంతో అభిమానులు మ‌ళ్లీ ఎప్పుడు నిర్వ‌హిస్తారోన‌ని ఆతృత‌గా చూస్తున్న‌ట్లు తెలుస్తోంది.

Also Read: త్వ‌ర‌లోనే మ‌రో టూర్ వేస్తున్న కేసీఆర్‌.. ఈసారి కూడా ఆయ‌న్ను తీసుకెళ్తార‌ట‌