Alcohol : మద్యపానం ఆరోగ్యానికి హానికరం. ఎంత మంది ఈ విషయాన్ని తేల్చి చెప్పినా సరే మందు బాబులు మాత్రం ఆల్కహాల్ అలవాటును అసలు విడిచిపెట్టరు. ఇక ఆల్కహాల్కు సంబంధించి ఎన్నో విషయాల గురించి అపోహలు ఉన్నాయి. అలాంటి కొన్ని అపోహల గురించి, వాటిలో ఉన్న నిజ నిజాల గురించి ఇప్పుడు మనం తెలుసుకునే ప్రయత్నం చేసేద్దాం.
ఆల్కహాల్ ను ఎక్కువగా కాకుండా కాస్త తీసుకుంటే ఆరోగ్యానికి మంచిదని కొందరు అభిప్రాయం వ్యక్తం చేస్తుంటారు. అయితే ఇందులో ఏమాత్రం నిజం లేదు అంటున్నారు నిపుణులు. ఆల్కహాల్ కొద్ది మొత్తంలో తీసుకున్నా సరే ఆరోగ్యం మీద మాత్రం ప్రతికూల ప్రభావం పడుతుందని అంటున్నారు పండితులు. అయితే రెడ్ వైన్ వంటి పానీయాలు గుండె ఆరోగ్యాన్ని మెరుగుపరుస్తాయి కాబట్టి కాస్త వీటి విషయంలో ఆలోచించవచ్చు. కొద్దిగా మెరుగైన ఫలితాలు వస్తాయి అంటున్నాయి పలు పరిశోధనలు. కానీ చివరకు మాత్రం ఆల్కహాల్ ఆరోగ్యంపై చెడు ప్రభావం చూపే అవకాశమే ఎక్కువగా ఉంటుంది.
మద్యం శరీరంలో డిటాక్సిఫైయింగ్ ఏజెంట్గా పనిచేస్తుంది. ఇక ఆల్కహాల్ శరీరంలో టాక్సిన్స్ను తగ్గిస్తుంది. అయితే ఇందులో నిజం ఉన్నప్పటికీ లివర్పై ఒత్తిడి పెంచి కాలేయ ఆరోగ్యంపై మాత్రం చెడు ప్రభావాన్ని చూపిస్తుంది. అలసట లేదా డిప్రెషన్తో బాధపడేవారు ఆల్కహాల్ తీసుకుంటే ఉపశమనం లభిస్తుంది. ఆల్కహాల్ నరాల వ్యవస్థను నిశ్చలంగా చేస్తుందనడంలో నిజం ఉందట. కానీ ఇది మానసిక సమస్యలను మరింత తీవ్రతరం చేస్తుంది.
ఆల్కహాల్ తాగి డ్రైవింగ్ చేస్తే నేరం అంటారు కానీ కాస్త డ్రింక్ చేసి డ్రైవింగ్ చేస్తే పర్వాలేదు అనుకుంటారు చాలా మంది. కాస్త తాగినా సరే ఆల్కహాల్ నరాలపై ప్రభావం చూపి, నిర్ణయాలు తీసుకునే సామర్థ్యాన్ని దెబ్బతినేలా చేస్తుంది. ఆల్కహాల్ సేవించి వాహనం నడపడం మాత్రం పూర్తిగా మానుకోవాలి. ఆల్కహాల్ శక్తిని పెంచుతుందనే భావన మానుకోవాలి. ఆల్కహాల్ తాత్కాలిక శక్తిని పెంచినట్లు అనుకుంటారు కానీ దీర్ఘకాలికంగా శక్తిని తగ్గిస్తుంది అంటున్నాయి అధ్యయనాలు.
మద్యం సేవిస్తే మంచి నిద్ర వస్తుందని భావిస్తారు చాలా మంది. ఆల్కహాల్ తాగితే చాలా మందికి మంచి నిద్ర వస్తుంది. కానీ ఇది తర్వాత చాలా ప్రేరేపితం చేస్తుంది. ఇది దీర్ఘకాలంగా నిద్ర మీద ప్రభావం చూపిస్తుంది కూడా. తర్వాత మద్యం సేవిస్తే గానీ నిద్ర పట్టని రోజు వస్తుంది. ముఖ్యంగా తరచూ మూత్ర విసర్జన చేయాల్సి వస్తుంది. దీంతో మరింత నిద్రకు భంగం కలుగుతుంది. సో ఆల్కహాల్ వల్ల వచ్చే నిద్ర వల్ల చెడు కూడా అంతే ఉంటుంది. అప్పుడు నిద్ర వచ్చినా డిస్ట్రబెన్స్ ఎక్కువ అవుతుంది.
