Vijay Sethupathi: సౌత్ ఇండియా లో హీరో గా , క్యారెక్టర్ ఆర్టిస్టుగా, విలన్ గా, ఇలా ఎన్నో విభిన్నమైన కోణాలను ఆవిష్కరిస్తూ తనకంటూ ఒక ప్రత్యేకమైన ఫ్యాన్ ఫాలోయింగ్ ని ఏర్పాటు చేసుకున్న హీరోల్లో ఒకరు విజయ్ సేతుపతి. ఈయనకు తమిళం లో మాత్రమే కాదు , తెలుగు లో కూడా వీరాభిమానులు ఉన్నారు. ఎలాంటి పాత్రని అయినా ఆయన తనదైన స్టైల్ తో , అద్భుతమైన హావభావాలంతో వేరే లెవెల్ కి తీసుకెళ్తుంటారు. అందుకే విజయ్ సేతుపతి కి అంతటి క్రేజ్ ఏర్పడింది. అయితే రీసెంట్ గా ఆయనకు ఒక వెయ్యి కోట్ల వర్త్ ఉన్న సినిమాలో తీరని అన్యాయం జరిగినట్టు తెలుస్తోంది. దీనిపై ఆయన అభిమానులు చాలా ఫైర్ మీద ఉన్నారు. పూర్తి వివరాల్లోకి వెళ్తే, సూపర్ స్టార్ రజినీకాంత్ , నెల్సన్ కాంబినేషన్ లో ‘జైలర్ 2’ తెరకెక్కిన సంగతి తెలిసిందే.
సెప్టెంబర్ లేదా అక్టోబర్ నెలలో విడుదలయ్యే ఈ సినిమాలో కన్నడ సూపర్ స్టార్ శివరాజ్ కుమార్ , మలయాళం సూపర్ స్టార్ మోహన్ లాల్ లతో పాటు విజయ్ సేతుపతి కూడా అతిథి పాత్ర పోషించారట. అయితే ఈ కథలో అత్యంత కీలకమైన మరో పవర్ ఫుల్ అతిథి పాత్ర కూడా ఉంది. ఈ పాత్ర కోసం డైరెక్టర్ నెల్సన్ పవన్ కళ్యాణ్ , షారుఖ్ ఖాన్ వంటి బిగ్గెస్ట్ సూపర్ స్టార్స్ ని కూడా సంప్రదించారు, కానీ వాళ్ళు నటించడానికి ఒప్పుకోలేదు , చివరికి బాలీవుడ్ సూపర్ స్టార్స్ లో ఒకరైన హృతిక్ రోషన్ ఈ పవర్ ఫుల్ గెస్ట్ రోల్ చేయడానికి ఒప్పుకున్నారట. ఆయన పాత్రకు సంబంధించిన సన్నివేశాలు , అదే విధంగా రజినీకాంత్ కాంబినేషన్ లో వచ్చే హృతిక్ రోషన్ సన్నివేశాలు రీసెంట్ గానే షూట్ చేశారట మేకర్స్.
అనుకున్న దానికంటే హృతిక్ పాత్ర నిడివి చాలా ఎక్కువ వచ్చిందట. ట్రిమ్ చెయ్యాలని చూస్తే , ఒక్క షాట్ కూడా బాగాలేదు అనే విధంగా లేదట. ముఖ్యంగా రజినీకాంత్ , హృతిక్ రోషన్ కాంబినేషన్ లో వచ్చే సన్నివేశాలు ఫైర్ అనిపించే రేంజ్ లో ఉన్నాయట. అందుకే మేకర్స్ విజయ్ సేతుపతి పాత్రని ట్రిమ్ చెయ్యాలని చూస్తున్నట్టు లేటెస్ట్ గా వినిపిస్తున్న సమాచారం. అదే కనుక జరిగితే , విజయ్ సేతుపతి కి అన్యాయం జరిగినట్టే, ఆయన అభిమానులు ఆందోళన చెందడం లో ఎలాంటి తప్పు లేదు. విజయ్ సేతుపతి ఈ క్యారెక్టర్ చేయడానికి ముందుకు ఏమి రాలేదు, డైరెక్టర్ స్వయంగా ఆయన్ని రిక్వెస్ట్ చేసి ఈ పాత్రని చేయించారు, అలాంటిది ఇప్పుడు మీ ఇష్టమొచ్చినట్టు మా హీరో సన్నివేశాలు ట్రిమ్ చేస్తామంటే ఎలా అనేది విజయ్ సేతుపతి ఫ్యాన్స్ వాదన. మరోవైపు తన సన్నివేశాలు తొలగిస్తున్న విషయం తెలిసినప్పటికీ విజయ్ సేతుపతి ఎలాంటి నిరాశకు గురి అవ్వలేదట, ఇది చాలా గొప్ప విషయం.
