Venkatesh Son Arjun: తెలుగు సినిమా ఇండస్ట్రీలో సీనియర్ హీరోగా మంచి గుర్తింపును సంపాదించుకున్న నటుడు విక్టరీ వెంకటేష్… ఒకప్పుడు ఆయన నుంచి వచ్చిన సినిమాలు ప్రేక్షకులను విశేషంగా అలరించాయి. తెలుగు సినిమా ఇండస్ట్రీకి తను చాలావరకు సేవలనైతే అందించాడు. మరలాంటి వెంకటేష్ ప్రస్తుతం మరోసారి ఫ్యామిలీ ఓరియెంటెడ్ సినిమాల వైపే అడుగులు వేస్తూ ముందుకు సాగుతున్నాడు. గత సంవత్సర ‘సంక్రాంతికి వస్తున్నాం’ సినిమాతో సూపర్ సక్సెస్ ని సాధించిన ఆయన ఇప్పుడు ‘ఆదర్శ కుటుంబం ‘ పేరుతో త్రివిక్రమ్ డైరెక్షన్లో మరోసారి కుటుంబ కథ నేపథ్యంలోనే సినిమాను చేస్తున్నాడు. ఇక ఇదిలా ఉంటే తన కొడుకు అయిన అర్జున్ సినిమా ఇండస్ట్రీకి ఎంట్రీ ఇవ్వబోతున్నాడు అంటూ కొన్ని వార్తలైతే వస్తున్నాయి. సినిమా ఇండస్ట్రీ రాణించాలంటే నటన పరంగా మెళుకువలు నేర్చుకోవాలనే ఉద్దేశ్యంతోనే ఆయనను ఫారం అయితే పంపించారట. మరి అక్కడ యాక్టింగ్ స్కిల్స్ నేర్చుకుంటున్న అర్జున్ తొందరలోనే సినిమా ఇండస్ట్రీలో హీరోగా మారబోతున్నాడు అంటూ ఫిలింనగర్ సర్కిల్లో కొన్ని వార్తలు చెక్కర్లు కొడుతున్నాయి…ఇక ఇలాంటి క్రమంలోనే అర్జున్ తో సినిమా చేయడానికి కొంతమంది దర్శకులు కథలను కూడా రెడీ చేశారు. ఇక అందులో శేఖర్ కమ్ముల ఒకరు. ఒక ప్యూర్ లవ్ స్టోరీ తో అర్జున్ ను ఇండస్ట్రీకి పరిచయం చేయాలని శేఖర్ కమ్ములు ప్రయత్నిస్తున్నాడు.
ఇక శేఖర్ కమ్ముల ఇంతక ముందే ఈ ఫ్యామిలీ హీరో అయిన రానా ను లీడర్ మూవీతో ఇండస్ట్రీ కి పరిచయం చేశాడు. కాబట్టి అర్జున్ బాధ్యతను కూడా తనకే అప్పజెప్తారా లేదా అనేది తెలియాల్సి ఉంది. ఇక అతనితో పాటుగా వెంకీ అట్లూరి సైతం వెంకటేష్ కొడుకుతో ఒక సినిమా చేయడానికి ప్లాన్ చేసుకుంటున్నారట.
అది కూడా లవ్ స్టోరీ గా తెలుస్తుంది. ఇక ఏది ఏమైనా కూడా వెంకీ అట్లూరి లాంటి దర్శకుడు అర్జును ను ఇండస్ట్రీకి పరిచయం చేస్తాడు అంటే అదొక మంచి విషయమనే చెప్పాలి. ఎందుకంటే వెంకీ అట్లూరి ఈ మధ్య కాలంలో తన పంథాను మార్చుకొని సక్సెస్ ఫుల్ సినిమాలను మాత్రమే చేస్తున్నాడు.
సార్, లక్కీ భాస్కర్ లాంటి సినిమాలతో వరుస విజయాలను అందుకున్న ఆయన తన క్రేజ్ ను అమాంతం తారా స్థాయికి పెంచుకున్నాడు. ప్రస్తుతం సూర్యతో చేస్తున్న సినిమాతో సక్సెస్ ని సాధిస్తే ఆయన టాప్ డైరెక్టర్ గా మారిపోతాడని చెప్పడంలో ఎంత మాత్రం అతిశయోక్తి లేదు…
