Atharintiki Daaredi: పవర్ స్టార్ పవన్ కల్యాణ్ ఏ సినిమా చేసిన సంచలనమే. తనదైన నటనతో అందరిని మెప్పించడం ఆయనకు వెన్నతో పెట్టిన విద్య. పవన్ కల్యాణ్ సినిమా అంటే ప్రేక్షకుల్లో అంచనాలు భారీగా పెరుగుతాయి. ఈ నేపథ్యంలో ఆ మధ్య కొన్ని సినిమాలు డిజాస్టర్ కావడంతో అభిమానులు నిరాశకు గురయ్యారు. కానీ హరీష్ శంకర్ దర్శకత్వంలో వచ్చిన గబ్బర్ సింగ్ రికార్డులు కొల్లగొట్టింది. తనకు ఎదురే లేదని నిరూపించింది. దీంతో పవన్ కల్యాణ్ మరోసారి తన సత్తా చాటాడు. గబ్బర్ సింగ్ తరువాత వచ్చిన అత్తారింటికి దారేది కూడా ఓ సంచలనం సృష్టించింది.
ఈ కథను త్రివిక్రమ్ పవన్ కు ఫోన్ లోనే చెప్పారట. వెంటనే ఓకే చెప్పేశారు. దీంతో సినిమా పట్టాలెక్కింది. అయితే ఈ సినిమా తీయడంలో కూడా పలు ట్విస్ట్ లు ఉన్నాయి. ఈ సినిమాలో ఐటమ్ సాంగులో మొదట అనసూయను అనుకున్నా ఆమె నిరాకరించడంతో హంసానందినిని ఎంపిక చేశారు. ఖుషి సినిమాలో గజ్జె ఘల్లుమన్నాదిరో అనే సాంగులో నర్తించిన ముంతాజ్ ను పన్నెండేళ్ల తరువాత తీసుకొచ్చి ఐటమ్ సాంగులో చేయించారు. ఈ సినిమాకు మొదట వెంకటేశ్ హీరోగా అనుకున్నారట. కానీ ఆయన నో చెప్పడంతో ఈ ఆఫర్ పవన్ దరి చేరింది.
ఇక పవన్ కల్యాణ్ కు జోడీగా ఇలియానాను అనుకోవడంతో ఆమె డేట్స్ ఖాళీ లేకపోవడంతో ఆ అదృష్టం సమంతను వరించింది. రెండో హీరోయిన్ గా ప్రణీత ను ఎంచుకున్నారు. సినిమాను కొద్ది రోజులు స్పెయిన్ లో షూట్ చేశారు. దాదాపు 45 రోజుల పాటు అక్కడే షూటింగ్ చేశారు. ఇందులో నదియా, పవన్ కల్యాణ్ మధ్య జరిగే సన్నివేశాలకు పవనే దర్శకత్వం వహించాడని చెబుతుంటారు. దీంతో ఈ సినిమా ఎన్నో రికార్డులు సృష్టించింది. నాలుగు ఫిలింఫేర్ అవార్డులు దక్కించుకుంది. ఆరు ఫైమా అవార్డులు సొంతం చేసుకుంది.
అత్తారింటికి దారేది ఎన్నో రికార్డులను తిరగరాసింది. కలెక్షన్ల మోత మోగించింది. దాదాపు రూ. 187 కోట్ల గ్రాస్ కొల్లగొట్టింది. రూ. 90 కోట్ల షేర్ తీసుకొచ్చింది. 170 కేంద్రాల్లో అర్థ శతదినోత్సవం పూర్తి చేసుకుంది. 36 కేంద్రాల్లో వంద రోజులు ఆడిన చిత్రంగా ఎవర్ గ్రీన్ గా నిలిచింది. దీంతో అత్తారింటికి దారేది సినిమా పవన్ త్రివిక్రమ్ కాంబినేషన్ లో వచ్చిన మరో హిట్ చిత్రంగా పలు రికార్డులు సృష్టించింది. భవిష్యత్ లో కూడా వీరి కాంబినేషన్ లో మరిన్ని సినిమాలు వచ్చి ప్రేక్షకులకు వినోదం పంచాలని భావిస్తున్నారు.
Also Read:AP High Court- Bigg Boss 6 Telugu: బిగ్ బాస్ నిషేధంపై ఏపీ హైకోర్టు కీలక నిర్ణయం
[…] […]
[…] […]