1965 మార్చ్ 31 వ తారీఖున తెలుగు సినీ చరిత్రలో అందరికి గుర్తు ఉండిపోయేలా ఒక చిత్రం వచ్చింది. అదే “తేనెమనసులు “. ప్రముఖ దర్శకుడు ఆదుర్తి సుబ్బారావు దర్శకత్వంలో వచ్చిన ఈ చిత్రం తోనే హీరో కృష్ణ తెలుగు తెరకు పరిచయ మయ్యాడు . నాటికి నేటికీ ఎవర్ గ్రీన్ క్లాసిక్ చిత్రం గా నిలిచిన ” తేనెమనసులు ” చిత్రం అప్పట్లో ” డోలి ” పేరు తో హిందీలో కూడా పునర్ నిర్మాణం జరుపుకొంది. రాజేష్ ఖన్నా హీరోగా నిర్మించ బడ్డ ఈ చిత్రం హిందీలో కూడా ఘన విజయం సాధించింది.
1965 లో విడుదల అయిన ” తేనెమనసులు ” చిత్రం నేటితో 55 వసంతాలు పూర్తి చేసుకొంది. ఆ లెక్కన హీరో గా కృష్ణ గారికి ఇది 55 వ పుట్టిన రోజు. ఆ శుభ సందర్భాన్ని పురస్కరించుకొని ప్రిన్స్ మహేష్ బాబు సోషల్ మీడియా లో స్పందిస్తూ ‘నా ఆల్ టైమ్ ఫేవరెట్.. టైం లెస్ క్లాసిక్ అయిన ‘తేనే మనసులు’ సినిమానే. ఎవర్గ్రీన్ సూపర్స్టార్ కృష్ణ గారు ప్రయాణం మొదలై ఈ రోజుతోటి 55 సంవత్సరాల పూర్తయింది. ఆయన ప్రారంభం బ్లాక్ బస్టర్ తోనే మొదలైంది. మన సూపర్స్టార్ యొక్క లెజెండరీ జర్నీ తెలుసుకోవడానికి కొంత సమయం తీసుకుందాం’ అని పోస్ట్ చేయడం జరిగింది. కాగా ఈ సినిమా అప్పట్లో పలు కేంద్రాల్లో శతదినోత్సవం జరుపు కొంది.
