Tollywood: నరేన్, దీపాలి హీరో, హీరోయిన్లు నటిస్తున్న చిత్రం “ఊరికి ఉత్తరాన”. వరంగల్ లో జరగిన ఓ యాధార్థ సంఘటన ఆధారంగా ఈ సినిమాను తెరకెక్కిస్తున్నారు. కాగా ఈ మూవీకి వనపర్తి వెంకటయ్య దర్శకత్వం చేస్తున్నారు. అయితే తాజాగా ఈ సినిమా వివాదంలో చిక్కుకున్నట్లు తెలుస్తుంది. ఈ సినిమాలోని కొన్ని సన్నివేశాలను తొలగించాలని కొందరు పలు సంఘాలు డిమాండ్ చేస్తున్నాయి. తెలంగాణ రాష్ట్రాన్ని కించపరిచేలా సినిమాలో కొన్ని అభ్యంతరకర సన్నివేశాలు ఉన్నాయని వారు ఆరోపిస్తున్నారు.
తెలంగాణ రాష్ట్ర చిహ్నమైన కాకతీయ తోరణానికి ఓ వ్యక్తిని తలకిందులుగా ఉరితీసే సన్నివేశం పై ఆయా సంఘాల వారు అభ్యంతరం వ్యక్తం చేస్తున్నారు. ఆ సన్నివేశం రాష్ట్ర ప్రజల మనోభావాలను కించపరిచేలా ఉందని అంటున్నారు. ఆ సన్నివేశాన్ని తొలగించని పక్షంలో సినిమా విడుదలను అడ్డుకుంటామని హెచ్చరించారు. ఇందులో భాగంగా గన్ పార్క్ వద్ద నిరసన చేపట్టారు తెలంగాణ వాల్మీకి సంఘం నాయకులు. ఆ సన్నివేశం తీసేసే వరకు సినిమా రిలీజ్ ఆపేయాలంటూ కోరుతున్నారు. కాగా చిత్రాన్ని నవంబర్ 19 న విడుదల చేయనున్నట్లు చిత్ర బృందం ప్రకటించింది. మరి ఆ సన్నివేశాన్ని తొలగించి విడుదల చేస్తారా లేదా క్లారిటి ఇస్తారా అనేది తెలియాల్సి ఉంది.
