Sukumar: తెలుగు సినిమా ఇండస్ట్రీలో ఇంటలిజెంట్ డైరెక్టర్ గా గుర్తింపును సంపాదించుకున్న దర్శకుడు సుకుమార్… ఆయన నుంచి వచ్చే సినిమాలు ప్రేక్షకులను విశేషంగా అలరిస్తుంటాయి. ఇప్పటివరకు ఆయన చేసిన ప్రతి సినిమాలో ఏదో ఒక వైవిధ్యమైన కథాంశమైతే ఉంటుంది… ఇక అల్లు అర్జున్ తో చేసిన పుష్ప సినిమాతో పాన్ ఇండియాలో పెను సంచలనాలను క్రియేట్ చేసిన ఆయన ఇప్పుడు మరోసారి రామ్ చరణ్ తో భారీ సినిమా చేయడానికి సన్నాహాలు చేసుకుంటున్నాడు. ఇక ఇదిలా ఉంటే అతని దగ్గర డైరెక్షన్ డిపార్ట్మెంట్ లో వర్క్ చేసిన తన అసిస్టెంట్ డైరెక్టర్లను సైతం దర్శకులుగా మార్చే బాధ్యతను తనే ఎత్తుకున్నాడు. ఇప్పటికే బుచ్చిబాబు ను దర్శకుడిగా పరిచయం చేసి తనను టాప్ డైరెక్టర్ గా మార్చాడు. ఇక ఇప్పుడు మరో ఇద్దరు ముగ్గురు దర్శకులను కూడా ఇండస్ట్రీకి పరిచయం చేసే ప్రయత్నంలో ఉన్నాడు…
మొత్తానికైతే సుకుమార్ దగ్గర దర్శకత్వం విభాగంలో పనిచేసిన ప్రతి ఒక్కరు కూడా టాప్ డైరెక్టర్స్ గా మరి వాళ్ళ సత్తా చాటుతుండటం విశేషం… బుచ్చిబాబుతో పాటు శ్రీకాంత్ ఓదెల సైతం దసర సినిమాతో పెను సంచలనాన్ని క్రియేట్ చేశాడు. ఇక ఇండస్ట్రీలో ఇప్పుడు సుకుమార్ శిష్యులకు మంచి క్రేజ్ ఉంది.
ఆయన దగ్గర పని చేసి దర్శకులుగా మారడానికి ఇంకా కొంతమంది సిద్ధమవుతున్నారు… నిజానికి ఏ దర్శకుడు కూడా తన శిష్యులను డైరెక్టర్స్ గా చేసి వాళ్లకు కూడా ఒక లైఫ్ ఇవ్వాలని ఆలోచించడు. ఎంతసేపు తన సినిమాకి అసిస్టెంట్ గా చేసిన వాళ్ళని వాడుకున్నామా తన సినిమా సక్సెస్ సాధించిందా? లేదా అనే రీతిలోనే ఆలోచిస్తారు గాని వాళ్ళ శిష్యులను కూడా దగ్గరుండి మరి దర్శకులుగా మార్చాలనే ఒక ఆలోచనైతే సుకుమార్ కే వచ్చింది.
అందుకే ఆయన అటు దర్శకుడిగా రాణిస్తూనే ఇటు గొప్ప గురువుగా కూడా పేరు సంపాదించుకుంటున్నాడు…ఇక రాబోయే సినిమాలతో ఆయన ఏ రేంజ్ సక్సెస్ ను సాధిస్తాడు అనేది తెలియాలంటే మాత్రం మరికొద్ది రోజులు వెయిట్ చేయాల్సిందే…
