Single Collection: శ్రీ విష్ణు(Sree Vishnu) హీరో గా నటించిన లేటెస్ట్ చిత్రం ‘సింగిల్'(#Single Movie) ఇటీవలే భారీ అంచనాల నడుమ విడుదలై మొదటి ఆట నుండే బ్లాక్ బస్టర్ రెస్పాన్స్ ని సొంతం చేసుకున్న సంగతి అందరికీ తెలిసిందే. పాన్ ఇండియన్ సినిమాలు చూసి చూసి విసిగిపోయిన మన తెలుగు ఆడియన్స్ కి ఒక పర్ఫెక్ట్ కామెడీ ఎంటర్టైన్మెంట్ ఉన్న సినిమా వస్తే బాగుండును అని చాలా కాలం నుండి ఎదురు చూస్తున్నారు. అలాంటి సమయంలో విడుదలైన ఈ చిత్రానికి బ్లాక్ బస్టర్ రెస్పాన్స్ వచ్చింది. ఆడియన్స్ థియేటర్స్ లో ప్రతీ సన్నివేశాన్ని ఎంజాయ్ చేస్తూ నవ్వుకుంటున్నారు. ‘సంక్రాంతికి వస్తున్నాం’ చిత్రం తర్వాత ఈ ఏడాది ఆ రేంజ్ రెస్పాన్స్ ని సొంతం చేసుకున్న సినిమా ఇదే. మొదటి రోజు కంటే రెండవ రోజు ఈ చిత్రానికి ఎక్కువ వసూళ్లు రావడాన్ని చూస్తుంటే జనాల్లో పాజిటివ్ మౌత్ టాక్ ఏ రేంజ్ లో ఉందో అర్థం చేసుకోవచ్చు.
మొదటి రోజు తెలుగు రాష్ట్రాల్లో కోటి 62 లక్షల రూపాయిల షేర్ వసూళ్లను రాబట్టిన ఈ సినిమా, రెండవ రోజు ఏకంగా 2 కోట్ల 20 లక్షల రూపాయిల షేర్ వసూళ్లను రాబట్టి సంచలనం సృష్టించింది. ఓవరాల్ గా రెండు రోజుల్లో ప్రాంతాల వారీగా వచ్చిన వసూళ్లను ఒకసారి పరిశీలిస్తే నైజాం ప్రాంతంలో కోటి 95 లక్షల రూపాయిల షేర్ వసూళ్లను రాబట్టిన ఈ సినిమా., సీడెడ్ ప్రాంతంలో 42 లక్షలు, ఆంధ్ర ప్రదేశ్ లో కోటి 45 లక్షల రూపాయిల షేర్ వసూళ్లు వచ్చాయి. ఓవరాల్ గా రెండు రోజులకు కలిపి తెలుగు రాష్ట్రాల్లో 3 కోట్ల 82 లక్షల రూపాయిల షేర్ వసూళ్లను రాబట్టిన ఈ చిత్రం, కర్ణాటక+ రెస్ట్ ఆఫ్ ఇండియా + ఓవర్సీస్ కలిపి మరో కోటి 55 లక్షల రూపాయిల షేర్ వసూళ్లను రాబట్టింది.
ఓవరాల్ గా ఈ చిత్రానికి వరల్డ్ వైడ్ గా పది కోట్ల రూపాయిల గ్రాస్ వసూళ్లు , 5 కోట్ల 37 లక్షల రూపాయిల షేర్ వసూళ్లు వచ్చాయి. కేవలం రెండు రోజుల్లోనే 77 శాతానికి పైగా రికవరీ ని సొంతం చేసుకుంది ఈ చిత్రం. విడుదలకు ముందు ప్రీ రిలీజ్ థియేట్రికల్ బిజినెస్ 7 కోట్ల రూపాయలకు జరిగింది. అంటే కేవలం ఇక కోటి 68 లక్షల రూపాయిల షేర్ వసూళ్లు మాత్రమే రావాలి, నేటితో బ్రేక్ ఈవెన్ మార్కుని దాటి లాభాల్లోకి అడుగుపెట్టబోతుంది ఈ చిత్రం. కానీ ఓవర్సీస్ లో ‘సామజవరగమనా’ చిత్రం 1 మిలియన్ కి పైగా గ్రాస్ వసూళ్లను సాధించింది. ‘సింగిల్’ చిత్రానికి ఆ రేంజ్ థియేట్రికల్ రన్ రాకపోవచ్చు. కానీ హాఫ్ మిలియన్ డాలర్స్ మాత్రం వచ్చే అవకాశాలు ఉన్నాయి. ఓవరాల్ గా శ్రీ విష్ణు కెరీర్ లో పెద్ద బ్లాక్ బస్టర్ గా నిల్చింది ఈ చిత్రం.
