Singer Chinmayi: సోషల్ మీడియా లో ఎక్కువగా వివాదాలకు గురయ్యే సెలబ్రిటీల లిస్ట్ తీస్తే అందులో చిన్మయి పేరు కచ్చితంగా ఉంటుంది. తెలుగు, తమిళ భాషల్లో ఈమె పాపులర్ సింగర్. ప్రముఖ హీరోయిన్ సమంత కి డబ్బింగ్ చెప్పేది కూడా ఈమెనే, అంతే కాకుండా ఆమెకు ప్రాణ స్నేహితురాలు కూడా. ఆడవాళ్లకు ఏ చిన్న అన్యాయం జరిగినా మొదట చిన్మయి నుండే వాయిస్ వినిపిస్తుంది. వాళ్ళ గురించి ఏ చిన్న డిబేట్ జరిగినా చిన్మయి అందులో దూరి తన వాయిస్ ని వినిపిస్తుంది. ఈ క్రమంలో పలు అంశాల్లో ఆమె తీవ్ర స్థాయిలో ట్రోలింగ్ కి కూడా గురి అవుతూ ఉంటుంది. రీసెంట్ గానే ఆమె నటుడు శివాజీ హీరోయిన్స్ పై చేసిన వ్యాఖ్యలపై స్పందిస్తూ తీవ్రమైన ట్రోలింగ్ కి గురైంది. ఇలా సోషల్ మీడియా లో నిత్యం ఎదో ఒక విషయం లో ట్రోల్ అవుతూనే ఉంటుంది చిన్మయి.
రీసెంట్ గా మెగాస్టార్ చిరంజీవి కి కౌంటర్ గా ఆమె కొన్ని వ్యాఖ్యలు చేసింది. ఆయన లేటెస్ట్ హిట్ ‘మన శంకర వరప్రసాద్ గారు’ మూవీ సక్సెస్ ఈవెంట్ లో క్యాస్టింగ్ కౌచ్ గురించి కొన్ని వ్యాఖ్యలు చేసాడు. తన కూతురు నిర్మాతగా సక్సెస్ అవ్వడం గురించి మాట్లాడుతూ, ఇండస్ట్రీ లో క్యాస్టింగ్ కౌచ్ వంటి వ్యవహారాలు చూసి ఆడవాళ్లు ఇండస్ట్రీ లోకి రావడానికి భయపడుతున్నారు, అలాంటివేమీ ఇక్కడ జరగడం లేదు, టాలెంట్ ఉన్నవాళ్లు ధైర్యం గా ఇండస్ట్రీ లోకి రండి, మీ వ్యక్తిత్వం మంచిది అయినప్పుడు , మీరు బలంగా ఉన్నప్పుడు, మీ వైపు చూసేందుకు కూడా ఎవ్వరూ సాహసించరు, మీ పని మీరు ధైర్యం గా చేసుకొని ఉన్నత స్థాయికి వెళ్లొచ్చు అంటూ కామెంట్ చేసాడు. దీని పై చిన్మయి ట్విట్టర్ లో కౌంటర్ ఇచ్చింది.
ఆమె మాట్లాడుతూ ‘క్యాస్టింగ్ కౌచ్ అనేది అదుపు లేని సమస్య . వాళ్ళు అడిగిన కమిట్మెంట్ కి మనం నో చెప్తే అవకాశాలు ఇవ్వరు. చిరంజీవి గారి తరంలో మహిళా ఆర్టిస్టులను గౌరవించేవారు. కానీ సినీ ఇండస్ట్రీ మిర్రర్ లాంటిది అయితే కాదు. ప్రముఖ లిరిసిస్ట్ వైరముత్తు నన్ను ఒక రేంజ్ లో వేధించాడు. అలా చెయ్యమని నేను అతన్ని అడగలేదు. ఇక్కడ పని ఇచ్చినందుకు బదులుగా సెక్స్ కోరుకుంటారు’ అంటూ చెప్పుకొచ్చింది చిన్మయి. దీనిపై సోషల్ మీడియా లో కొంతమంది నెటిజెన్స్ ఏకీభవిస్తున్నారు, కొంతమంది అయితే వ్యతిరేకిస్తున్నారు. క్యాస్టింగ్ కౌచ్ కి నో చెప్పిన వాళ్ళు కూడా ఇండస్ట్రీ లో తమ సొంత టాలెంట్ తో పైకి ఎదిగిన వాళ్ళు ఉన్నారు, సాయి పల్లవి , నిత్యా మీనన్ వంటి వారు కనీసం వెండితెర పై అందాల అరోబోత చేయడానికి కూడా ఇష్టం చూపించరు. వాళ్ళు ఇప్పుడు ఉన్నత స్థానంలోనే ఉన్నారు కదా అంటూ కామెంట్స్ చేస్తున్నారు.
Casting couch is rampant, women are refused roles if they don’t offer ‘full commitment’ – a word that means completely different in the film industry.
If you come from an English educated background and believe ‘commitment’ means ‘professionalism’, showing up to work and being…
— Chinmayi Sripaada (@Chinmayi) January 26, 2026
