Shankar and Puri Jagannadh: ఒకప్పుడు ఇండియన్ సినిమా షేక్ చేసిన దర్శకులు , ఇప్పుడు కనీసం ఒక యావరేజ్ సినిమాని డెలివరీ చేయడానికి కూడా ఇబ్బంది పడుతుండడం చూసి , అభిమానులు బోరుమని ఏడుస్తున్నారు. ఇండియన్ సిల్వర్ స్క్రీన్ పై అపజయం అనేదే ఎరుగని డైరెక్టర్ శంకర్ , ఇప్పుడు వరుస డిజాస్టర్ ఫ్లాప్స్ తో , చేతిలో ఒక్క సినిమా కూడా లేని పరిస్థితి వస్తుందని ఎవరైనా ఊహించారా?, కానీ అది జరిగింది. ఒకప్పుడు సౌత్ లో ప్రతీ సూపర్ స్టార్ కి శంకర్ తో కలిసి ఒక్క సినిమా అయినా చెయ్యాలి అనే కోరిక ఉండేది. కోలీవుడ్ నుండి రజినీకాంత్ తర్వాత బిగ్గెస్ట్ బ్రాండ్ శంకర్ సొంతం. అలాంటి డైరెక్టర్ నేడు యావరేజ్ సినిమాలను కూడా అందించలేని పరిస్థితి కి వచ్చాడు. ఇక అదే స్థాయి ఉన్నటువంటి పూరి జగన్నాథ్ గురించి కూడా మాట్లాడుకోవాలి . ఒకే మూసలో వెళ్తున్న కమర్షియల్ సినిమా ఫార్మటు ని మార్చేసిన క్రేజీ డైరెక్టర్ ఆయన. టాలీవుడ్ లోని స్టార్ హీరోలందరితో కలిసి సినిమాలు చేసి , హీరోయిజానికి సరికొత్త నిర్వచనం తెలిపాడు.
పవన్ కళ్యాణ్ , మహేష్ బాబు , ఎన్టీఆర్ , రామ్ చరణ్ , అల్లు అర్జున్ , ప్రభాస్ ఇలాంటి స్టార్ హీరోలందరిని డిఫరెంట్ హీరోయిజమ్స్ తో ఆడియన్స్ కి ప్రెజెంట్ చేసి , వాళ్ళని బిగ్గెస్ట్ సూపర్ స్టార్స్ గా మలిచాడు పూరీజగన్నాథ్. అలాంటి డైరెక్టర్ ఇప్పుడు తీస్తున్న చీప్ సినిమాలు చూస్తుంటే కన్నీళ్లు పెట్టుకోవడం ఒక్కటే తక్కువ. వీళ్లిద్దరి రేంజ్ ఇలా పడిపోవడానికి కారణం రైటింగ్. శంకర్ కి గతం లో సుజాత అనే రైటర్ ఉండేవారు. ఆయన సినిమాలకు రచన మొత్తం సుజాత నే చేసేవారు . ఆమె చనిపోయిన తర్వాత శంకర్ సినిమాల్లో కంటెంట్ పవర్ లేకుండా పోయింది. డైరెక్షన్ పరంగా , టేకింగ్ పరంగా శంకర్ ఇప్పటికే తోపే, కానీ ఆయన నుండి సరైన కథ రావాలి అంతే. పూరి జగన్నాథ్ పరిస్థితి కూడా ఇంతే.
ఈయన ఇప్పటికీ తన అద్భుతమైన దర్శకత్వ ప్రతిభ తో పోకిరి లాంటి సినిమాలు తీయగలడు. కానీ ఒకప్పుడు ఆయన కలం లో ఉండే రైటింగ్ పవర్ ఇప్పుడు బాగా తగ్గిపోయింది. ఆ కారణం చేతనే వరుసగా డిజాస్టర్ ఫ్లాప్స్ వస్తున్నాయి. వీళ్లిద్దరు వేరే రైటర్స్ ని నమ్ముకొని , కేవలం దర్శకత్వం మీద మాత్రమే ఫోకస్ చేస్తే , భవిష్యత్తులో భారీ కం బ్యాక్ ఇవ్వొచ్చు. పూరి జగన్నాథ్ నుండి వచ్చిన చివరి బెస్ట్ చిత్రం టెంపర్. ఈ చిత్రానికి వక్కంతం వంశీ కథని అందించాడు. ఈ సినిమా ఎంత పెద్ద హిట్ అయ్యిందో ప్రత్యేకించి చెప్పనవసరం లేదు. మరోసారి ఆయన అలాంటి టాలెంటెడ్ రైటర్స్ తో పని చేస్తే కచ్చితంగా కం బ్యాక్ ఇవ్వగలడు , శంకర్ కూడా అంతే, వీళ్లిద్దరు ఎప్పుడు కం బ్యాక్ ఇస్తారో?, ఇస్తే ఎన్ని రికార్డ్స్ బద్దలు అవ్వంవుతుందో చూడాలి.
