Bigg Boss 6 Telugu Shani Salmon: తెలుగు బుల్లితెరపై బిగ్గెస్ట్ రియాలిటీ షో ‘బిగ్ బాస్’ లాంచ్ అయ్యింది. కింగ్ నాగార్జున చేతుల మీదుగా 6వ సీజన్ ఘనంగా ప్రారంభమైంది. ఓ పేకమీడల మధ్యలో నాగార్జునను నిలబెట్టి.. బిగ్ బాస్ థీమ్ ను ప్రజెంట్ చేస్తూ షోను మొదలుపెట్టారు. బ్యాక్ గ్రౌండ్ లో కమలాసన్ ‘విక్రమ్’ మూవీ మ్యూజిక్ వస్తుండగా.. విదేశీ సుందరాంగుల మధ్యలో నుంచి నాగార్జున బయటకొచ్చి ‘బంగార్రాజు’ పాటకు స్టెప్పులేసి బిగ్ బాస్ 6ను లాంచ్ చేశారు.
పోయిన సారి సెట్ కంటే ఈసారి కాస్తా కలర్ ఫుల్ గా బిగ్ బాస్ హౌస్, సెట్ వేశారు. ఎంటర్ టైన్ మెంట్ కు అడ్డా 6, ఎంటర్ టైన్ మెంట్ కు అడ్డా ఫిక్స్ అంటూ నాగార్జున మొదట బిగ్ బాస్ ఇంటిని వెరైటీగా చూపించారు. ఈసారి బిగ్ బాస్ హౌస్ ను ఒక పాట రూపంలో వినూత్నంగా ఆవిష్కరించారు. హౌస్ మాత్రం ఎంతో అందంగా ముస్తాబు చేశారు. డైనింగ్ హాల్, స్విమ్మింగ్ ఫూల్, గార్డెన్ ఏరియా సహా అన్నింటిని కలవ్ ఫుల్ గా డిజైన్ చేశారు. చూస్తుంటేనే ఆహ్లాదకరంగా ఇది ఉంది. ఈసారి ఎంటర్ టైన్ మెంట్ అదిరిపోయేలా కనిపిస్తోంది.
బిగ్ బాస్ హౌస్ లోకి తొలి కంటెస్టెంట్ గా సీరియల్ యాక్టర్ ‘కీర్తి’ అడుగుపెట్టింది. ఇక సెకండ్ కంటెస్టెంట్ గా నువ్వు నాకు నచ్చావ్ లో హీరోయిన్ ఆర్తి అగర్వాల్ చెల్లెలుగా నటించిన ‘పింకి’ ఎంట్రీ ఇచ్చింది. ఈమె అసలు పేరు సుదీప. ఇక మూడో కంటెస్టెంట్ గా యూట్యూబర్ ‘శ్రీహాన్’ , నాలుగో కంటెస్టెంట్ గా నేహా , ఇక ఐదో కంటెస్టెంట్ గా జబర్ధస్త్ కమెడియన్ చలాకీ చంటీ, 6వ కంటెస్టెంట్ గా సింగర్, మోడల్ శ్రీ సత్య , 7వ కంటెస్టెంట్ గా అర్జున్ కళ్యాణ్ , 8వ కంటెస్టెంట్ చిత్తూరు జిల్లాకు చెందిన యూట్యూబర్ గీతూ ఎంట్రీ ఇచ్చింది. ఈమెను లేడీ ‘పుష్ప’గా పిలుస్తుంటారు. 9వ కంటెస్టెంట్ గా ఐటెం బాంబ్, నటి అభినయశ్రీ ప్రవేశించింది. 10వ కంటెస్టెంట్లుగా సీరియల్స్ లో పాపులర్ అయిన జోడీ రోహిత్-మెరినీ ప్రవేశించారు. 11వ కంటెస్టెంట్ గా నటుడు ‘బాలాదిత్య’ ఎంట్రీ ఇచ్చాడు. 12వ కంటెస్టెంట్ గా వాసంతి కృష్ణన్ ప్రవేశించింది.
బిగ్ బాస్ లోకి 13వ కంటెస్టెంట్ గా షానీ సాల్మన్ ప్రవేశించారు. ఈయనది పాలమూరు జిల్లా జడ్చర్ల.. రాజమౌళి తీసిన ‘సై’ సినిమాలో రగ్బీ ప్లేయర్ గా సాల్మన్ నటించారు. ఆ సినిమాలోకి ఎంట్రీ ఇవ్వగానే తన తల్లి చనిపోయిందని.. అదే నా జీవితంలో పెద్ద విషాదం అన్నారు. ఆ తర్వాత సినిమాల్లో క్యారెక్టర్ ఆర్టిస్ట్ గా.. వెబ్ సిరీస్ లలో నటుడిగా రాణిస్తున్నాడు. సాల్మన్ తో నాగార్జున ఒక పెద్ద టాస్క్ ఇచ్చాడు. ఆర్టిస్టులకు తెలియకుండా వారితో అనుచితంగా వ్యవహరించాలంటూ ఒక సీక్రెట్ టాస్క్ పెట్టాడు. ఆ తర్వాత ‘పంచ్’ కార్డు సెలక్ట్ చేసుకున్న సాల్మాన్ బిగ్ బాస్ హౌస్ లోకి 13వ కంటెస్టెంట్ గా ఎంట్రీ ఇచ్చాడు.
