Sandeep Reddy Vanga Vs Prashanth Neel: సినిమా ఇండస్ట్రీలో ఉన్న స్టార్ డైరెక్టర్ల మధ్య విపరీతమైన పోటీ ఉంటుంది. ఇప్పటికే టైర్ వన్ హీరోలతో సినిమాలను చేస్తున్న దర్శకులు రికార్డులను కొల్లగొట్టడంలో విపరీతమైన పోటీని చూపిస్తున్నారు. ఒకరిని మించి ఒకరు భారీ బడ్జెట్ ను పెట్టిస్తూ సినిమా మీద అంచనాలను పెంచుతూ ఎలాగైనా సరే ఆ సినిమాను సక్సెస్ ఫుల్ గా డీల్ చేయాలనే ప్రయత్నం చేస్తున్నారు. ఇక అర్జున్ రెడ్డి సినిమాతో ఓవర్ నైట్ లో స్టార్ డైరెక్టర్ గా మారిపోయిన సందీప్ రెడ్డి వంగా సైతం ప్రస్తుతం చేస్తున్న ‘స్పిరిట్’ సినిమాతో ఎలాగైనా సరే సూపర్ సక్సెస్ ని దక్కించుకోవాలనే ప్రయత్నంలో ఉన్నాడు…ఇక ఈ సినిమాను ప్రభాస్ కెరియర్ లోనే ది బెస్ట్ సినిమాగా మార్చాలని చూస్తున్నాడు. 700 కోట్ల బడ్జెట్ తో తెరకెక్కుతున్న ఈ సినిమా 2000 కోట్లకు పైన కలెక్షన్స్ ని కొల్లగొడుతుందనే అంచనాలో ఉన్నట్టుగా తెలుస్తుంది. మరి తను అనుకున్నట్టుగానే ఈ సినిమాతో ఇలాంటి సక్సెస్ ని సాధిస్తాడు.
ప్రేక్షకుల హృదయాలను కొల్లగొట్టే సక్సెస్ ని అందుకుంటాడా లేదా అనేది తెలియాలంటే మాత్రం మరికొద్ది రోజులు వెయిట్ చేయాల్సిందే… ఇక ప్రశాంత్ నీల్ సైతం జూనియర్ ఎన్టీఆర్ తో సినిమా చేస్తున్నాడు. ఇంతకు ముందు ఆయన చేసిన కెజిఎఫ్, సలార్ లాంటి సినిమాలతో తనదైన మార్క్ మేకింగ్ ను చూపించిన ఆయన మాస్ కమర్షియల్ సినిమాలను విభిన్న తరహాలో తెరకెక్కించి సక్సెస్ లను అందించడంలో సిద్ధహస్తుడనే చెప్పాలి.
సందీప్ రెడ్డివంగా – ప్రశాంత్ నీల్ మధ్య విపరీతమైన పోటి అయితే నడుస్తుంది. అయినప్పటికి రాబోయే సినిమాలతో ఎవరు ఎలాంటి సక్సెస్ లను సాధిస్తారు. తద్వారా ప్రేక్షకుల నుంచి ఎలాంటి రెస్పాన్స్ రాబడతారు అనేది ఇప్పుడు చర్చనీయాంశంగా మారింది. నిజానికి సందీప్ రెడ్డివంగా చాలా డీసెంట్ సబ్జెక్టుని తీసుకొని దాన్ని బోల్డ్ గా వైలెంట్ గా చెప్పే ప్రయత్నం చేస్తాడు. కానీ ప్రశాంత్ నీల్ మాత్రం పేరు ఉన్న కథను తీసుకొని దానిని మాస్ కమర్షియల్ హంగులతో నింపేస్తూ ఎలివేషన్స్ తో ప్రేక్షకుడి మెప్పు పొందుతుంటాడు. ఇక వీరిద్దరి బలాలు ఇవే…
ఇక బలహీనతల విషయానికి వస్తే సందీప్ రెడ్డివంగా సినిమాలో కొంతవరకు బోల్డ్ కంటెంట్ ఎక్కువగా ఉంటుందనే విమర్శలైతే వస్తూ ఉంటాయి. ఇక ప్రశాంత్ నీల్ సినిమా విషయానికి వస్తే ఆయన చేసే అన్ని సినిమాలు కూడా ఒకే టెంప్లేట్ లో ఉండడం అనేది కొంతమంది ప్రేక్షకులకు నచ్చడం లేదు…ఇక ఏది ఏమైన కూడా రాబోయే సినిమాలతో ఎవరు సూపర్ సక్సెస్ ని సాధిస్తే వాళ్ళు టాప్ పొజిషన్ కి వెళ్తారనేది వాస్తవం…
