Pushpa Song: పుష్ప సినిమాలో ఒక సాంగ్ ఉంది. లిరికల్ రైటర్ శ్రీమణి రాసిన పాట అది. అయితే, కొన్ని కారణాల కారణంగా ఆ పాటను సినిమాలో పెట్టలేదు. ఇప్పుడు ఆ పాటలోని కొన్ని లైన్లు సోషల్ మీడియాలో ముఖ్యంగా సినిమా గ్రూప్స్ లో బాగా హల్ చల్ చేస్తున్నాయి. మరి మీరు కూడా ఆ పాటలోని లైన్ల పై ఓ లుక్కేయండి.
Pushpa Song
చల చల్లని చలి తెమ్మెరలు తనువును తాకుతుంటే..
చల్లని హిమబిందువులు సాలె గూడును అల్లుతుంటే..
చకోర సంకీర్తనలు శ్రావణానందంగా వినిపిస్తుంటే
చలిపులి కోరలు విప్పి నను తరిమేస్తుంటే
చలిమంట కాపుకోసం నే సమిధనౌతుంటే
చెలికోసం నే సిరిమల్లెలు తెంపుతుంటే
చక్కని చందమామ నా అవస్థలు చూస్తుంటే
చతుర్ముఖ తారా కాంతులు వెదజల్లు తుంటే
చందన సుగంధభరితపరిమళాలు ఘుప్పుమంటే
చామంతుల ఛాయలోనా హృది తూగుతుంటే
చెలి ననుకోరి కొత్త వలపులు రువ్వుతుంటే
చరణ కంకణములు ఘల్లు ఘల్లు మంటుంటే
చంచల నా మది నిర్లిప్తావస్థలోకి జారుతుంటే
చంపక మాలలా అధర ధ్వనిలో నే జోగుతుంటే
చెప్పలేని ఏదో ఓ హాయి నను చేరి కవ్విస్తుంటే
చేయీ చేయీ కలిపినట్లునా కల సాకారమౌతుంటే
చలి తెమ్మెర తరంగ తరంగాలలో నేపులకిస్తుంటే
చక్కిలిగింతల నా తనువు తేలి తేలి పోతుంటే
చలువరాతి కలల సౌధంలో నే పరవశించనా
చల్లనిచలితెమ్మెరలకు సుస్వాగతాభినందనలు తెలుపనా…!!
Also Read: పుష్పలో సమంత ఐటెమ్ సాంగ్ పాడింది ఎవరో తెలుసా?
మొత్తమ్మీద ఈ పాట ఇలా సాగింది. మరి నిజంగానే ఈ పాట పుష్ప సినిమాలోనిదేనా ? లేక, ఎక్కడో లిరిక్స్ ను పుష్ప పాట అంటూ లేనిపోని పుకార్లకు నాంది పలికారా ? అనేది తెలియాల్సి ఉంది.
ఉన్న స్థాయి నుంచి పై స్థాయికి ఎదగాలని, పాన్ ఇండియా స్టార్ గా మారాలని బన్నీ గట్టి ప్రయత్నాలు చేస్తున్నాడు. కాకపోతే, పాన్ ఇండియా స్టార్ అవ్వడం అంటే అంత తేలికేం కాదు కదా. అసలు పాన్ ఇండియా స్థాయి గుర్తింపు రావాలంటే ఎన్నో కలిసి రావాలి. మరి బన్నీ కి అన్నీ కలిసి వస్తాయా ? చూడాలి.
