RRR movie: రాజమౌళి దర్శకత్వంలో జూనియర్ ఎన్టీఆర్, మెగా పవర్స్టార్ రామ్చరణ్ హీరోలుగా రానున్న సినిమా ఆర్ఆర్ఆర్. ఇప్పటికే ఈ సినిమా నుంచి విడుదలైన పాటలు, ప్రోమోలు, పోస్టర్లు ప్రేక్షకులను ఎంతగానో ఆకట్టుకుంటున్నాయి. మరోవైపు, విడుదల తేదీ కూడా దగ్గరపడుతుండటంతో సినిమాపై రోజుకో కొత్త అడ్డేట్ ఇస్తూ.. సినిమాపై హైప్ పెంచుతున్నారు. కాగా, తాజాగా విడుదలైన నాటు నాటు పాట ట్రెండింగ్లో దూసుకెళ్లిపోతోంది. తారక్, చెర్రీలు ఇందులో ఊర మాస్ స్టెప్పులేస్తూ కనిపించారు. విడుదలైన 24 గంటల్లోనే మిలియన్ల వ్యూస్తో ట్రెండింగ్లో దూసుకెళ్లిపోతోంది. కాగా, ఈ సినిమాలో తారక్, చెర్రి వేసిన స్పప్పులు అందర్నీ ఆకర్శించాయి. ఈ క్రమంలోనే కొంతమంది అభిమానులు వీరిని అనుకరించే ప్రయత్నం చేస్తున్నారు.
తారక్, చెర్రిలు వేసినట్లుగా స్టెప్పులేస్తూ.. అవి ఎలా వేయాలో నేర్పిస్తూ.. సోషల్ మీడియాలో షేర్ చేస్తున్నారు. నాటు నాటు హుక్ స్టెప్ ట్యుటోరియల్ పేరుతో ప్రస్తుతం ఈ వీడియోలు నెట్టింట వైరల్ అవుతున్నాయి. అచ్చం ఆ ఇద్దరు హీరోలు చేసినట్లుగా వీడియోలు రూపొందించి సోషల్ మీడియాలో పెచ్చారు. వీరిని చూసిన నెటిజన్లు వావ్ అంటున్నారు. మీరు కూడా నాటు స్టెప్పు వేయాలనుకుంటున్నారా?. ఆలస్యం ఎందుకు ఈ వీడియోలు చూసేయండి మరి.
డివివి దానయ్య ఈ సినిమాకు నిర్మాతగా వ్యవహరిస్తున్నారు. కాగా, ఇందులో రామ్ చరణ్ అల్లూరి సీతారామరాజుగా కనిపించబోతుండగా… ఎన్టీఆర్ కొమరం భీమ్ గా అలరించ నున్నారు. కాగా వీరి సరసన ఒలీవియా మోరిస్, ఆలియా భట్ హీరోయిన్స్ నటిస్తున్నారు. కాగా అజయ్ దేవగన్, శ్రియ , సముద్రఖని ముఖ్య పాత్రల్లో కనిపించనున్నారు. వచ్చే ఏడాది సంక్రాంతి కానుకగా జనవరి 7న ఈ మూవీ ప్రేక్షకుల ముందుకు రాబోతుంది.
