Ravi Teja Transgender Role: మన తెలుగు హీరోలు , తమ ఇమేజ్ నుండి బయటకు వచ్చి , నేటి తరం జెన్ జీ ఆడియన్స్ ని అలరించేందుకు విభిన్నమైన కథలను ఎంచుకుంటున్నారు. రీసెంట్ గానే మనమంతా ‘పెద్ది’ చిత్రాన్ని చూశాం. వంద మంది శత్రువులను నరికి చంపే హీరోయిజాన్ని గతం లో రామ్ చరణ్ లో మనం చూశాం , అలాంటి హీరో అవిటి వాడిగా నటిస్తే జనాలు రిసీవ్ చేసుకుంటారని మనం కలలో అయినా ఊహించుకొని ఉంటామా ?, కానీ జనాలు ఆ పాత్రని రిసీవ్ చేసుకున్నారు , వందల కోట్ల వసూళ్లను ఇస్తున్నారు. ఇప్పుడు హీరో ఇమేజ్ ని ఎవ్వరూ చూడడం లేదు , కంటెంట్ ని మాత్రమే చూస్తున్నారు , కంటెంట్ ఆడియన్స్ కి నచ్చితే స్టార్ హీరోలు ఎలాంటి పాత్రలు చేసినా ఆదరిస్తారు అనేది రీసెంట్ గా విడుదలైన ‘పెద్ది’ మరోసారి నిరూపించి చూపించింది. ఈ సినిమా ఇచ్చిన ధైర్యమో ఏమో తెలియదు కానీ , మాస్ మహారాజ రవితేజ కూడా ఇలాంటి ప్రయోగమే ఒకటి చేయబోతున్నాడు.
రీసెంట్ గానే ఆయన దిల్ రాజు బ్యానర్ లో ఒక సినిమా చేయడానికి గ్రీన్ సిగ్నల్ ఇచ్చాడు. ‘స్వాగ్’ వంటి సూపర్ హిట్ చిత్రాన్ని తెరకెక్కించిన హషిత్ గోలి ఈ చిత్రానికి దర్శకత్వం వహించబోతున్నాడు. ఈ చిత్రం లో రవితేజ ట్రాన్స్ జెండర్ గా కనిపించబోతున్నాడు అట. ఆరంభం నుండి ఎండింగ్ వరకు ఆయన ఆ పాత్రలోనే కనిపిస్తాడట. ఇది విన్న అభిమానులు, రవితేజ లాంటి మాస్ హీరో, ఇలాంటి పాత్ర ని చేయడానికి ఒప్పుకోవడం ఆశ్చర్యాన్ని కలిగిస్తోంది, నిజంగా ఆయనలో చాలా మార్పు వచ్చింది అంటూ కామెంట్స్ చేస్తున్నారు. కథ ఏంటి అనేది ఇంకా పూర్తి వివరాలు బయటకు రాలేదు కానీ , ఇప్పటి వరకు ఇండియన్ సిల్వర్ స్క్రీన్ పై ఎవ్వరూ చూడని అద్భుతమైన , విభిన్నమైన స్టోరీ లైన్ తో ఈ సినిమా తెరకెక్కుతుంది అట.
ప్రస్తుతానికి రవితేజ ‘ఇరుముడి’ అనే చిత్రం లో నటిస్తున్నాడు. శివ నిర్వాణ దర్శకత్వం లో తెరకెక్కుతున్న ఈ సినిమా పూర్తి అవ్వగానే , రవితేజ ఈ క్రేజీ ప్రాజెక్ట్ కి షిఫ్ట్ అవ్వబోతున్నట్టు సమాచారం. రవితేజ కి ఇలాంటి ప్రయోగాలు చేయడం కొత్తేమి కాదు. గతం లో ఆయన ‘రాజా ది గ్రేట్’ చిత్రం గుడ్డివాడిగా నటించి భారీ హిట్ ని అందుకున్నాడు. అయితే అందులో గుడ్డివాడు అయినప్పటికీ కూడా తన మార్క్ మాస్ హీరోయిజాన్ని చూపించడం లో రవితేజ ఎక్కడా తగ్గలేదు. మరి ఈ ట్రాన్స్ జెండర్ పాత్ర కూడా అలాగే ఉంటుందా, లేదా పూర్తి భిన్నంగా ఉంటుందా అనేది తెలియాల్సి ఉంది.