Pushpa Day2 Collections: స్టైలిస్ట్ స్టార్ అల్లు అర్జున్ హీరోగా వచ్చిన సినిమా పుష్ప.. థియేటర్లలో సందడి చేస్తోంది. బన్నీ ఈ సినిమాలో ఎప్పుడూ కనిపించని మాస్ లుక్లో దర్శనమిచ్చారు. సుకుమార్ దర్శకత్వంలో వచ్చిన ఈ సినిమా ఎర్రచందనం స్మగ్లింగ్ నేపథ్యంలో తెరకెక్కిన సంగతి తెలిసిందే. డిసెంబరు 17న ప్రేక్షకుల ముందుకు వచ్చిన ఈ సినిమా రెండో రోజు కూడా కలెక్షన్ల సుమాని సృష్టించింది. తొలి రోజు కలెక్షన్లలో 2021 బిగ్గెస్ట్ గ్రాసర్గా రికార్డు సృష్టించగా.. రెండో రోజు కూడా అదే జోరుతో దూసుకెళ్లిపోయాడు పుష్పరాజ్. తొలిరోజు 71 కోట్లు వసూళ్లు చేయగా.. రెండో రోజు 45 కోట్లు రాబట్టి సరికొత్త రికార్డ్లను క్రియేట్ చేస్తున్నారు.
ఈ సినిమాలో రష్మిక హీరోయిన్గా నటించింది. సునీల్, అనసూయ, జగదీశ్, ప్రతాప్ భండారీ, కీలక పాత్రల్లో నటించారు. మైత్రీ మూవీ మేకర్స్, ముత్తం శెట్టి మీడియా ఈ సినిమాను నిర్మించారు. ఒక్కో క్యారెక్టర్ను సుకుమార్ తీర్చి దిద్దిన తీరు అందర్నీ ఆశ్చపరుస్తోంది.
కరోనా సెకెండ్ వేవ్ తర్వాత అత్యధిక ఓపెనింగ్స్ తీసుకొచ్చిన తొలి ఇండియన్ సినిమాగా పుష్ప నిలిచింది. రెండో రోజు కూడా ఈ సినిమా అన్ని థియేటర్లలో హౌస్ఫుల్ అయ్యింది. దీంతో బన్నీ ఫ్యాన్స్ పండగ చేసుకుంటున్నారు. తెలుగుతో పాటు 5 ప్రధాన భాషల్లో విడులైంది ఈ సినిమా.. మిగిలిన భాషల్లోనూ అంతే జోరుతో ఓపెనింగ్స్ తెచ్చుకుంది పుష్ప. ఈ రెండు రోజుల్లో ప్రపంచవ్యాప్తంగా 116 కోట్లు రాబట్టి.. 100 కోట్ల క్లబ్లో చేరిపోయింది.
