Pushpa: ఐకాన్ స్టార్ అల్లు అర్జున్ హీరోగా సుకుమార్ దర్శకత్వంలో తెరకెక్కుతున్న తాజా చిత్రం పుష్ప. ఈ చిత్రం రెండు భాగాలుగా విడుదల కానున్న సంగతి అందరికీ తెలిసిందే. ఈ చిత్రం మొదటి పార్ట్ పుష్ప ది రైజ్ డిసెంబర్ 17 వ తేదీన ప్రపంచ వ్యాప్తంగా విడుదల కాబోతుంది. ఈ చిత్రం కి సంబంధించిన ప్రచార చిత్రాలు, వీడియో లు, పాటలు విడుదలై ప్రేక్షకులను అభిమానులను విశేషంగా ఆకట్టుకుంటున్నాయి.
ఈ సినిమా ఫస్ట్ లక్ నుంచే సాలిడ్ హైగ్ క్రియేట్ చేసిన మేకర్స్.. ఒక్కో పాట విడుదల చేస్తూ.. సినిమాపై మరిన్ని అంచానాలు పెంచేశారు. ఇటీవలే సమంత స్టెప్పులేసిన ఊ అంటావా మావ పాట ట్రెండింగ్లో దూసుకెళ్లిపోతోంది. మరోవైపు ట్రైలర్ కూడా విడుదల చేసి ఆకట్టుకున్నారు మేకర్స్. ఇలా షూటింగ్ శరవేగంగా పూర్తి చేసుకుటూనే.. ఎలాగైనా అనుకున్న డేట్కి సినిమా విడుదల చేయాలని భావిస్తున్నారు. ఈ క్రమంలోనే గత రెండు నెలలు బాగా కష్టపడ్డారు. ఎట్టకేలకు సినిమాను అన్ని హంగులతో విడుదలకు సిద్ధం చేశారు. కాగా, ప్రస్తుతం ప్రమోషన్స్ పనుల్లో బిజీ అయ్యారు.
తాజాగా అల్లు అర్జున్, రష్మిక తెలుగు, తమిళ్లో ప్రమోషన్స్ మొదలుపెట్టారు. ఇప్పటికే ఈ రెంజు భాషల్లో ఇంటర్వ్యూ పూర్తి చేసినట్లు ట్వీట్ ద్వారా తెలిపారు. త్వరలోనే ఈ ఇంటర్వ్యూ ప్రేక్షకుల ముందుకు రానుంది. మైత్రి మూవీ మేకర్స్, ముత్తంశెట్టి మీడియా ఈ చిత్రాన్ని సంయుక్తంగా నిర్మిస్తున్నాయి. ఈ సినిమాను పాన్ ఇండియా లెవెల్లో తెలుగు, తమిళ, కన్నడ, మలయాళ, హిందీ భాషల్లో విడుదల చేయనున్నారు.
