మొత్తానికి ఇంకో సినిమా వచ్చింది

సినిమా రంగంలో రాణించాలంటే టాలెంట్ తో పాటు అదృష్టాన్ని కూడా వెంట తెచ్చుకోవాలి లేకపోతె ఇక్కడ సక్సెస్ దొరకదు. ఎందరో మేధావులు , ప్రతిభ కల ఆర్టిస్టులు అవకాశాలు లేక , రాక మరుగునపడి పోయారు. ఇపుడు అలాంటి పరిస్థితే మన తెలుగు అమ్మాయి ఎదుర్కొంటోంది .

ప్రముఖ నిర్మాణ సంస్థలు యు వి క్రియేషన్స్ , గీత ఆర్ట్స్2 బ్యానర్ వారు సంయుక్తంగా నిర్మించిన `టాక్సీవాలా’ మూవీతో మన అనంతపురం అమ్మాయి ప్రియాంక జవాల్కర్ హీరోయిన్ గా తెరంగేట్రం చేసింది. తొలి ప్రయత్నం లోనే సక్సెస్ అయ్యింది. ఇక వరుసగా సినిమా ఆఫర్లు వస్తాయని ఊహించింది . ఈ మూవీ తర్వాత ప్రియాంక జువాల్కర్ స్టార్ హీరోయిన్ గా ఎదుగుతుందని అంతా భావించారు. కూడా … అయితే ఇందుకు భిన్నంగా ఈ సినిమా తర్వాత ప్రియాంక జువాల్కర్ కి అవకాశాలేమీ రాకపోవడం ఆమెతో పాటు, ఆ సినిమా చూసిన వారిని కూడా ఆశ్చర్యానికి గురిచేసింది. కాగా ఇన్నాళ్లకు ప్రియాంక కి మరో సినిమా ఆఫర్ దక్కింది.

నూతన దర్శకుడు శ్రీధర్ గాదె తెరకెక్కించే మూవీలో ప్రియాంక జువాల్కర్ ఛాన్స్ దక్కించు కొంది. ఇక ఈ మూవీలో ‘రాజాగారు రాణివారు’ ఫేం కిరణ్ అబ్బవరం హీరోగా నటిస్తున్నాడు. కాగా ” ఎస్ఆర్ కల్యాణ మండపం ఈస్ట్-1975 ” అనే టైటిల్ తో ఈ సినిమా తెరకెక్కు తోంది. ‘టాక్సీవాలా’ తర్వాత చాలా గ్యాప్ తీసుకున్న ప్రియాంక జవాల్కర్ ఈ మూవీతో మరోసారి తెలుగు ప్రేక్షకులను మెస్మరైజ్ చేసేందుకు రెడీ అవుతోంది.

చాలా గ్యాప్ తరవాత ఈ మూవీలో డైలాగ్ కింగ్ సాయికుమార్ కనిపించే నున్నాడు. అలాగే శంకరాభరణం తులసీ కూడా ప్రధాన పాత్రలో కనపడనుంది.రాయలసీమ బ్యాక్ డ్రాప్ లో , కల్యాణ మండపం చుట్టూ తిరిగే కథాంశంతో తెరకెక్కే ఈ చిత్రాన్ని ఎలైట్ ఎంటటైన్మెంట్ బ్యానర్లో నిర్మిస్తుండగా , చేతన్ భరద్వాజ్ సంగీతాన్ని అందిస్తున్నాడు.