Pawan Kalyan : రీ రిలీజ్ కి సిద్ధం అవుతున్న పవన్ కళ్యాణ్ డిజాస్టర్ చిత్రం..!

Pawan Kalyan : పవన్ కళ్యాణ్ పాత సినిమాలు ఇటీవల కాలం విడుదలవుతూ బాక్స్ ఆఫీస్ వద్ద సెన్సేషన్ సృష్టించడం చాలా సాధారణమైన విషయం అయిపోయింది..గత ఏడాది ఆయన పుట్టినరోజు కానుకగా జల్సా సినిమాని రీ రిలీజ్ చేసి సృష్టించిన ప్రభంజనం అంతా ఇంతా కాదు..కేవలం ఒక్క రోజులోనే ఆ చిత్రం ప్రపంచవ్యాప్తంగా మూడు కోట్ల 30 లక్షల రూపాయిల గ్రాస్ వసూళ్లను రాబట్టింది.. జల్సా సినిమా తో పాటే తమ్ముడు సినిమాని కూడా పుట్టినరోజు కానుకగా కొంత మంది బయ్యర్స్ వేసుకున్నారు.

ఆ సినిమాకి కూడా మంచి లాభాలు వచ్చాయి.. ఇవి గమనించిన దర్శక నిర్మాతలు పవన్ కళ్యాణ్ తో గతం లో తాము తీసిన సినిమాలను రీ రిలీజ్ చెయ్యడానికి ముందుకొచ్చారు..అందులో భాగంగానే ఖుషి సినిమాని రీ రిలీజ్ చేసాడు ఆ చిత్ర నిర్మాత AM రత్నం..డిసెంబర్ 31 వ తారీఖున విడుదల అయిన ఈ సినిమా ప్రభంజనం సృష్టించింది.. మొదటి రోజు నుండి ఇప్పటి వరకు రికార్డుల మోత మోగిస్తూ ముందుకు దూసుకుపోతుంది.

ఇప్పటి వరకు ఈ చిత్రానికి సుమారుగా 7 కోట్ల రూపాయిల గ్రాస్ వసూళ్లు వచ్చాయి..ఇది ఆల్ టైం ఆల్ ఇండియన్ రికార్డు..పవన్ కళ్యాణ్ తన జల్సా రికార్డు ని తానే బద్దలు కొట్టాడు..ఇలా పవర్ స్టార్ సినిమాలు వరుసగా రీ రిలీజ్ అవుతూ బ్లాక్ బస్టర్స్ అవ్వడం తో నిర్మాతలు ఆయన ఫ్లాప్ సినిమాలను సైతం రీ రిలీజ్ చెయ్యడానికి ముందుకు వస్తున్నారు..పవన్ కళ్యాణ్ కెరీర్ ఫ్లాప్ గా నిలిచిన ‘తీన్మార్’ చిత్రాన్ని నిర్మాత బండ్ల గణేష్ రీ మాస్టర్ చేయించి అతి త్వరలోనే విడుదల చెయ్యబోతున్నాడు.

ఈ విషయాన్నీ స్వయంగా బండ్ల గణేష్ అధికారికంగా ప్రకటించాడు.. ఈ సినిమా తర్వాత పవన్ కళ్యాణ్ మరో ఫ్లాప్ చిత్రం ‘గుడుంబా శంకర్’ ని కూడా రీ మాస్టర్ చేసి రిలీజ్ చెయ్యడానికి సన్నాహాలు కూడా ప్రారంభం అయ్యాయి..ఆ చిత్ర నిర్మాత నాగబాబు ఈ చిత్రాన్ని పవన్ కళ్యాణ్ పుట్టినరోజు సందర్భంగా విడుదల చెయ్యబోతున్నాడు అట..వీటితో పాటు ఈ ఏడాది తొలిప్రేమ , బద్రి వంటి సినిమాలు కూడా రీ రిలీజ్ అవ్వబోతున్నాయి.