Pawan Kalyan with blood-stained hand : పవర్ స్టార్ పవన్ కళ్యాణ్(Deputy CM Pawan Kalyan) కెరీర్ లో అత్యంత భారీ అంచనాలు ఏర్పాటు చేసుకున్న చిత్రం ‘ఓజీ'(They Call Him OG). సుజిత్ దర్శకత్వం లో తెరకెక్కుతున్న ఈ సినిమాపై కేవలం అభిమానులు మాత్రమే కాదు, టాలీవుడ్ ఇండస్ట్రీ మొత్తం ఆతృతగా ఎదురు చూస్తుంది. పవన్ కళ్యాణ్ రాజకీయాల్లో బిజీ గా ఉండడం వల్ల కొంత కాలం ఓజీ షూటింగ్ కి బ్రేక్ పడింది. గత నెల నుండి మళ్ళీ ఆయన తిరిగి షూటింగ్ ని ప్రారంభించాడు. హైదరాబాద్ లో కొన్ని రోజులు షూటింగ్ జరుపుకున్న ఈ చిత్రం, ఆ తర్వాత ముంబై లో కొన్ని రోజులు షూటింగ్ జరుపుకుంది. ఇక ఆ తర్వాత అమరావతి కి తిరిగి వచ్చిన పవన్ కళ్యాణ్ రెండు రోజుల పాటు విరామం తీసుకొని మళ్ళీ ఓజీ షూటింగ్ లో పాల్గొంటున్నాడు. నేడు ఈ చిత్రంలో కీలక పాత్ర పోషిస్తున్న అర్జున్ దాస్ కాసేపటి క్రితమే వేసిన ఒక ట్వీట్ సంచలనంగా మారింది.
ఓజీ మూవీ షూటింగ్ సెట్స్ లో పవన్ కళ్యాణ్ తో తీసుకున్న సెల్ఫీ లను అప్లోడ్ చేస్తూ ‘మీతో కలిసి పని చేయడం నాకు ఒక అదృష్టం లాంటిది కళ్యాణ్ గారు. మీతో పని చేసిన ప్రతీ రోజుని, ప్రతీ క్షణాన్ని నేను జీవితాంతం గుర్తు పెట్టుకుంటాను, షూటింగ్ గ్యాప్ లో మీ విలువైన సమయాన్ని నాకు కేటాయించి కాసేపు నాతో మాట్లాడినందుకు ధన్యవాదాలు. మీకున్న బిజీ షెడ్యూల్ లో కూడా నాకు సమయాన్ని కేటాయించడం అదృష్టం గా భావిస్తున్నాను. మీతో జరిపిన విలువైన సంభాషణని ఎప్పటికీ మర్చిపోలేను’ అంటూ చెప్పుకొచ్చాడు. ఈ సందర్భంగా ఆయన షేర్ చేసిన ఫోటోలు సంచలనంగా మారాయి. ఈ ఫోటోలలో పవన్ కళ్యాణ్ చేతికి రక్తపు మరకలు ఉండడాన్ని గమనించిన అభిమానులు పూనకలొచ్చి ఊగిపోతున్నారు. ఇలా కదా మేము పవన్ కళ్యాణ్ ని చూడాలని ఆశపడింది అంటూ కామెంట్స్ చేస్తున్నారు.
సినిమా లో దీనిని బట్టి వయొలెన్స్ ఏ రేంజ్ లో ఉంటుందో ఊహించుకోవచ్చు. ఇప్పటి వరకు పవన్ కళ్యాణ్ ని ఎవ్వరూ చూడని విధంగా చూపించే ప్రయత్నం చేస్తున్నాడు డైరెక్టర్ సుజీత్. ఈ నెల 10 వరకు పవన్ కళ్యాణ్ కి సంబంధించిన షూటింగ్ కార్యక్రమాలు మొత్తం పూర్తి కానుంది. ఆ తర్వాత విజయవాడ లోనే ఈ నెల 16 వరకు ఇతర తారాగణంతో ప్లాన్ చేసిన షూటింగ్ ని జరుపుతారు. దాంతో మూవీ షూటింగ్ మొత్తం పూర్తి అయ్యినట్టే. అయితే ఇమ్రాన్ హష్మీ తో ముంబై లో ఒక సన్నివేశం బ్యాలన్స్ ఉంది. మొన్న జరిగిన ముంబై షెడ్యూల్ లోనే ఈ సన్నివేశాన్ని చిత్రీకరించాల్సి ఉంది కానీ, ఇమ్రాన్ హష్మీ కి డెంగ్యూ ఫీవర్ రావడంతో కొంతకాలం విశ్రాంతి తీసుకోమని డాక్టర్లు చెప్పారు. ఈ నెలాఖరున నుండి మూడు రోజుల పాటు ఇమ్రాన్ హష్మీ, పవన్ కళ్యాణ్ లపై ఒక భారీ ఫైట్ సీన్ ని చిత్రీకరించనున్నారు. అక్కడితో ఈ సినిమాకు గుమ్మడి కాయ కొట్టేసినట్టు లెక్క.
It has been an absolute honour @PawanKalyan Garu. Will cherish every single day of working with you. Thank you for taking time out whenever we shot, to sit down & talk to me despite your extremely busy schedule. Will forever cherish our conversations. I truly hope I get to… pic.twitter.com/zBa7dhXf5j
— Arjun Das (@iam_arjundas) June 6, 2025
