Pawan Kalyan: పవర్ స్టార్ పవన్ కళ్యాణ్ హీరోగా చేసిన సినిమాలన్నీ ప్రేక్షకులను విశేషంగా అలరించాయి. ఇప్పటివరకు ఆయన చేసిన సినిమాలు అతన్ని టాప్ లెవల్లో నిల్చోబెట్టాయి. 2014వ సంవత్సరంలో పవన్ కళ్యాణ్ జనసేన పార్టీని స్థాపించి పాలిటిక్స్ లోకి ఎంట్రీ ఇచ్చిన విషయం మనకు తెలిసిందే. ఇక సరిగ్గా 10 సంవత్సరాల తర్వాత అంటే 2024వ సంవత్సరంలో ఆయన ఏపీ రాష్ట్రంలో గవర్నమెంట్ ను ఫామ్ చేయడంలో కీలకపాత్ర వహించాడు. ఇక ప్రస్తుతం ఏపీ డిప్యూటీ సీఎం గా తన పదవి బాధ్యతలను కొనసాగిస్తున్న ఆయన అవకాశం దొరికిన ప్రతిసారి సినిమాలను చేస్తున్నాడు. ఇక గత సంవత్సరం ఓజీ సినిమాతో ప్రేక్షకులను మెప్పించిన ఆయన ఈ సంవత్సరం చేసిన ‘ఉస్తాద్ భగత్ సింగ్’ సినిమాతో కాస్త నిరాశపరచాడు. ఇక ఏది ఏమైనా కూడా తన నుంచి వచ్చే సినిమాల విషయంలో ఆయన చాలా క్లారిటీగా ఉంటానని గతంలో చాలా సందర్భాల్లో తెలియజేశాడు. ఇక ఈ క్రమంలోనే అతని నుంచి ఎలాంటి సినిమాలు వచ్చిన కూడా అతన్ని ఒక ఫుల్ లెంత్ క్యారెక్టర్ లో చూడాలని అతని అభిమానులు కోరుకుంటున్నారు.
ఇంతకీ ఆ క్యారెక్టర్ ఏంటి అంటే పొలిటీషియన్ పాత్ర కావడం విశేషం…తను సినిమాలో సీఎం పాత్ర చేస్తే చూడాలని ప్రతి ఒక్కరు ఆసక్తిగా ఎదురు చూస్తున్నారు. అందులో ఆయన చేసే మంచి ఎలా ఉంటుందో చూపిస్తే నిజ జీవితంలో కూడా ఆయన అలాంటి పనులు చేయడానికి కట్టుబడి ఉంటారు.
అలాగే సగటు ప్రేక్షకులకు సైతం పవన్ కళ్యాణ్ సీఎం అయితే ఎలాంటి పనులు చేయబోతున్నాడో ఆ సినిమా ద్వారా చూపిస్తే బాగుంటుందని కొంతమంది చెబుతున్నారు. అయితే తన స్వప్రయోజనాల కోసం సినిమాని తీసి ప్రేక్షకుల మీద రుద్దడం పవన్ కళ్యాణ్ కి ఇష్టం లేదు. కాబట్టి ఇప్పటివరకు తనకు వచ్చిన చాలా పొలిటిషన్ క్యారెక్టర్ లను తిరస్కరించాడు…
కొరటాల శివ దర్శకత్వంలో మహేష్ బాబు హీరోగా వచ్చిన ‘భరత్ అను నేను’ సినిమా కథని కూడా మొదట పవన్ కళ్యాణ్ కి వినిపించారు. కానీ అందులో హీరో సీఎం గా ఉండడం తనకి ఇష్టం లేకపోవడం వల్లే ఆ సినిమాను రిజెక్ట్ చేశారని తన సన్నిహిత వర్గాల నుంచి కొన్ని వార్తలైతే బయటికి వచ్చాయి…