Pawan Kalyan OG Movie: పవర్ స్టార్ పవన్ కళ్యాణ్ నటిస్తున్న సినిమాలలో అభిమానులతో పాటుగా, ప్రేక్షకులు కూడా ఎంతో ఆసక్తిగా ఎదురు చూస్తున్న చిత్రం #OG. యంగ్ డైరెక్టర్ సుజిత్ ఈ చిత్రానికి దర్శకత్వం వహిస్తున్నాడు.ఈ సినిమా షూటింగ్ ప్రస్తుతం పూణే లో విరామం లేకుండా జరుగుతుంది. ఒక సినిమా షూటింగ్ కోసం పవన్ కళ్యాణ్ తెలుగు రాష్ట్రాలు దాటి , పక్క రాష్ట్రానికి వెళ్లడం ఈ సినిమాకే జరిగింది.
ఈ చిత్రం కోసం పవన్ కళ్యాణ్ ఎంతో స్టైలిష్ లుక్స్ ని మైంటైన్ చేసాడు. మునుపెన్నడూ లేని విధంగా ఫ్యాన్స్ చూడగానే నోరెళ్లబెట్టేలా పవన్ కళ్యాణ్ లుక్స్ ఈ సినిమాలో ఉండబోతున్నాయని తెలుస్తుంది, గ్యాంగ్ స్టర్ బ్యాక్ గ్రౌండ్ తో తెరకెక్కుతున్న ఈ సినిమాలో ప్రియాంక అరుళ్ మోహన్ హీరోయిన్ గా నటించింది. ఇది ఇలా ఉండగా ఈ సినిమాకి సంబంధించి పవన్ కళ్యాణ్ నేడు ట్విట్టర్ లో వేసిన ఒక ట్వీట్ వైరల్ గా మారింది.
షూటింగ్ చేస్తున్న సమయం లో జనసైనికులు కనిపించారు అంటూ పవన్ కళ్యాణ్ ఫ్యాన్స్ కి అభివాదం చేస్తూ వెనక్కి తిరిగి ఉన్న ఫోటో ని అప్లోడ్ చేసాడు.ఈ ఫొటోలో పవన్ కళ్యాణ్ కాస్ట్యూమ్ ని చూసిన అభిమానులు పూనకాలు వచ్చి ఊగిపోతున్నారు. ఖుషి పరిచయ సన్నివేశం లో పవన్ కళ్యాణ్ జపనీస్ కరాటే కాస్ట్యూమ్ లో కనిపిస్తాడు. #OG మూవీ షూటింగ్ లో కూడా ఆయన అలాంటి కాస్ట్యూమ్ ధరించాడు.
ఈ చిత్రం లో జపనీస్ బ్యాక్ డ్రాప్ కూడా ఉందని కాన్సెప్ట్ పోస్టర్ చూసినప్పుడే అర్థం అయ్యింది. అంటే పవన్ కళ్యాణ్ రోల్ ఇందులో ఎలా ఉండబోతుంది, ఆయన పాత్ర ఇచ్చే ట్విస్టులు ఏమిటి అనే దానిపై ఫ్యాన్స్ లో ఇప్పటి నుండే అంచనాలు ఏర్పడ్డాయి. ఈ చిత్రం ఎప్పుడొచ్చినా కచ్చితంగా ఇండియన్ బాక్స్ ఆఫీస్ షేక్ అవ్వడం పక్కా అని అభిమానులు బలంగా నమ్ముతున్నారు.చూడాలి మరి.
While shooting for ‘OG‘ at Wai lake in Maharashtra , met our Janasainiks; Singiri Sai, Singiri Rajesh and Sanni John from Kovvur , Rajamundry, East Godavari. pic.twitter.com/oPnrOaaFbf
— Pawan Kalyan (@PawanKalyan) May 8, 2023
