Pawan Kalyan OG 2: పవన్ కళ్యాణ్ అభిమానులకు ‘ఓజీ’ అనే పేరు తీస్తే చాలు, వాళ్ళ శరీరాల్లో వెయ్యి వోల్ట్స్ ఎనర్జీ పాస్ అవుతుంది. గతం లో ‘గబ్బర్ సింగ్’ చిత్రం పవన్ కళ్యాణ్ ఫ్యాన్స్ కి ఒక గొప్ప ఎమోషన్. కానీ ‘ఓజీ’ చిత్రం అంతకు మించిన ఎమోషన్ గా వాళ్లకు మారిపోయింది అని చెప్పడం లో ఎలాంటి సందేహం లేదు. వాస్తవానికి ‘ఓజీ’ గొప్ప చిత్రమేమి కాదు, కేవలం రెండు మూడు సన్నివేశాలు మాత్రమే ఆ చిత్రం లో బాగుంటాయి, వాటికే అభిమానులు పిచోళ్లు అయిపోయారు, డివైడ్ టాక్ వచ్చినప్పటికీ 321 కోట్ల రూపాయలకు పైగా గ్రాస్ వసూళ్లను కొల్లగొట్టారు. కానీ ఓటీటీ లోకి వచ్చిన తర్వాత ‘ఓజీ’ క్రేజ్ ఇంకా తారా స్థాయికి చేరింది. ముఖ్యంగా జెన్ జీ ఆడియన్స్ ‘ఓజీ’ సినిమాల్లోని సన్నివేశాలకు సంబంధించిన షాట్స్ ని అప్లోడ్ చేయకుండా ట్వీట్లు , పోస్టులు వేయలేకపోతున్నారు. ఆ రేంజ్ లో వాళ్లకు ఎక్కేసింది.
‘ఓజీ 2’ వస్తే బాగుంటుంది అని అభిమానులతో పాటు, జెన్ జీ మామూలు ఆడియన్స్ కూడా చాలా బలంగా కోరుకున్నారు. కానీ పవన్ కళ్యాణ్ ఉప ముఖ్యమంత్రి హోదాలో ఉన్నాడు, చాలా బిజీ గా గడుపుతున్నాడు , ఇలాంటి సమయం లో ఆయన నుండి సినిమాలు ఊహించడం కష్టం , ‘ఉస్తాద్ భగత్ సింగ్’ చిత్రమే ఆయన చివరి చిత్రం గా నిలుస్తుందేమో అని అంతా అనుకున్నారు. అభిమానులు రెండు మూడు రోజుల క్రితం , పవన్ కళ్యాణ్ రిటైర్మెంట్ ఇవ్వబోతున్నాడు అంటూ చాలా బాధ పడ్డారు కూడా. సరిగ్గా అలాంటి సమయం లోనే ఆయన నుండి ‘ఓజీ 2’ చిత్రం రాబోతుందని నిన్న ట్విట్టర్ లో ఒక అధికారిక ప్రకటన వచ్చింది. ఈ చిన్న ట్వీట్ సృష్టించిన ప్రకంపనలు సాధారణమైనవి కాదు.
కేవలం 14 గంటల్లోనే ఈ ట్వీట్ కి 52 లక్షల వ్యూస్ , 14 వేల రీట్వీట్స్, 35 వేల లైక్స్ వచ్చాయి. ఎన్టీఆర్ ‘డ్రాగన్’ చిత్రం ప్రకటనకు , మహేష్ బాబు – రాజమౌళి ‘వారణాసి’ మూవీ ప్రకటన కు కూడా ఈ రేంజ్ వ్యూస్ రాలేదు. ప్రభాస్ ‘స్పిరిట్’ చిత్రం లైఫ్ టైం వ్యూస్ కూడా ఈ రేంజ్ లో లేవు. అలాంటిది కేవలం ఒక్క చిన్న ట్వీట్ తో ఈ రేంజ్ రీచ్ వచ్చిందంటే, ఇక రాబోయే రోజుల్లో ‘ఓజీ 2’ కి సంబంధించిన అప్డేట్స్ వచ్చినప్పుడు రీచ్ ఏ రేంజ్ లో ఉంటుందో మీరే ఊహించుకోండి అంటూ పవన్ ఫ్యాన్స్ ట్వీట్స్ వేస్తున్నారు .ఇక 24 గంటలు గడిచిన తర్వాత ఈ ట్వీట్ కి ఇంకా ఎంత రీచ్ , వ్యూస్ వస్తాయో చూడాలి.
As promised, he will. The timing, he will let us know. Once @Sujeethsign returns from abroad, we will discuss.#OG2
— Pawan Kalyan Creative Works (@PKCWoffl) June 11, 2026
