Bhagyashri Borse in OG 2: సోషల్ మీడియా లో ఇప్పుడు ఎక్కడ చూసినా ‘ఓజీ’ గురించే చర్చ. కేవలం పవన్ కళ్యాణ్ టీం ‘ఓజీ 2’ త్వరలోనే సెట్స్ మీదకు వెళ్లబోతుంది , సుజిత్ ఫారిన్ నుండి రాగానే ఈ సినిమాకు సంబంధించిన స్టోరీ చర్చల్లో పవన్ కళ్యాణ్ పాల్గొంటాడు అని చెప్పరంతే, ఇక సోషల్ మీడియా లో పవన్ ఫ్యాన్స్ మేనియా తారా స్థాయికి వెళ్ళిపోయింది. పవన్ కళ్యాణ్ క్రియేటివ్ వర్క్స్ హ్యాండిల్ నుండి వచ్చిన ఆ ట్వీట్ కి ఏకంగా 1 కోటి 20 లక్షలకు పైగా వ్యూస్ వచ్చాయి. టాలీవుడ్ హిస్టరీ లోనే ఇదొక అరుదైన రికార్డు గా చెప్పుకోవచ్చు. ఆరోజు నుండి ‘ఓజీ 2’ గురించి సోషల్ మీడియా లో ప్రతీ రోజు ఎదో ఒక చర్చ నడుస్తూనే ఉంది. నేషనల్ మీడియా నుండి ఇంటర్నేషనల్ మీడియా వరకు ‘ఓజీ 2’ గురించి ప్రత్యేకంగా ఆర్టికల్స్ రాశాయి.
ఇంతటి క్రేజ్ ఈమధ్య కాలం లో రాజమౌళి ‘వారణాసి’ కి మాత్రమే చూశారు , ఆ తర్వాత ‘ఓజీ 2’ కి చూస్తున్నారు నెటిజెన్స్. సుజిత్ ఈ నెలాఖరున విదేశాల నుండి హైదరాబాద్ కి రాబోతున్నాడు. అప్పటి నుండి ‘ఓజీ 2’ గురించి అప్డేట్స్ వస్తూనే ఉంటాయి. ఈ సినిమా లుక్స్ కోసం పవన్ కళ్యాణ్ ఇప్పటికే ప్రత్యేకమైన డైట్ ని అనుసరిస్తున్నాడు అట. ఇదంతా పక్కన పెడితే , ‘ఓజీ 2’ లో హీరోయిన్ ఉంటుందా లేదా అనేది పెద్ద చర్చ గా మారింది. ఎందుకంటే ‘ఓజీ 2’ లో పవన్ కళ్యాణ్ గతం గురించి చూపించబోతున్నారు. సత్య దాదా ని వదిలి వెళ్లిపోయిన తర్వాత 8 ఏళ్ళు ఓజాస్ గంభీర ఏమి చేశాడు అనే దానిపైనే ఈ చిత్రం ఉంటుంది. ఆ 8 ఏళ్ళ కాలం లో ఆయన జపాన్ లోకి రీ ఎంట్రీ ఇవ్వడం, అక్కడ మాస్టర్ ‘ఓరోచి గెంషిన్’ గా మారి , ఆ తర్వాత సమురాయ్ క్లాన్ కి లీడర్ గా ఎదిగిన తీరు.
యాకూజా మొత్తాన్ని సంహరించి , తానూ చనిపోయినట్టుగా నమ్మించి మధురై కి రావడం, ఇలాంటి అంశాలన్నీ ఈ ‘ఓజీ 2’ లో చూపించబోతున్నాడు డైరెక్టర్ సుజిత్. అయితే ఈ సినిమా అత్యధిక శాతం జపాన్ లోనే ఉంటుంది కాబట్టి , అప్పటికి ఆయనకు ప్రియాంక అరుళ్ మోహనన్ తో పరిచయం ఉండదు కాబట్టి , ఈ సినిమాలో ఆమె కనిపించకపోవచ్చు. కానీ మధురై కి వచ్చిన తర్వాత ఆమెతో పరిచయం ఎలా ఏర్పడింది , ప్రేమ ఎలా పుట్టింది వంటివి ఈ ‘ఓజీ 2’ లో చూపించే అవకాశం ఉంది. అయితే ఈ ‘ఓజీ 2’ లో ప్రముఖ హీరోయిన్ భాగ్యశ్రీ భోర్సే ని తీసుకున్నట్టు ఇండస్ట్రీ వర్గాల్లో వార్తలు వినిపిస్తున్నాయి. మరి ఈమె హీరోయిన్ పాత్ర పోషిస్తుందా? , లేదా వేరే ఏదైనా కీలక పాత్ర పోషిస్తుందా అనేది చూడాలి.
