Megastar Chiranjeevi OTT Web Series: నాలుగు దశాబ్దాల నుండి సినీ అభిమానులను ఒక రేంజ్ లో అలరిస్తూ, ఇప్పటికీ ఆల్ టైం రికార్డ్స్ క్రియేట్ చేస్తూ ముందుకు దూసుకుపోతున్న మెగాస్టార్ చిరంజీవి సినీ ప్రస్థానం గురించి ఎంత చెప్పినా తక్కువే. కమర్షియల్ సినిమాకు సరికొత్త అర్హం చెప్పిన ఏకైక హీరో మెగాస్టార్ చిరంజీవి. ఆయన రాక కేవలం తెలుగు సినిమా ఇండస్ట్రీ లోనే కాదు, ఇండియన్ సినిమా ఇండస్ట్రీ హిస్టరీ లోనే ఒక ప్రభంజనం. చిరంజీవి వచ్చిన తర్వాతే ఇండియా మొత్తం మీద కమర్షియల్ సినిమా ఫార్మాట్ మారిపోయింది. డ్యాన్స్ లో వేగం పెరిగింది, ఫైట్స్ వేరే లెవెల్ కి వెళ్లాయి. చిరంజీవి డ్యాన్స్, ఫైట్స్ ని చూసి ఇతర ఇండస్ట్రీ కి చెందిన బిగ్గెస్ట్ సూపర్ స్టార్స్ కాపీ కొట్టి పెద్ద స్టార్స్ అయిపోయారు. ఆ స్థాయి ప్రభంజనం మెగాస్టార్ చిరంజీవి.
అలాంటి మెగాస్టార్ ఇప్పుడు బుల్లితెర ప్రేక్షకులని అలరించడానికి రెడీ అవుతున్నాడు. త్వరలోనే ఆయన అమెజాన్ ప్రైమ్ వీడియో తెరకెక్కించే వెబ్ సిరీస్ లో హీరో గా నటించబోతున్నాడు. క్రైమ్ థ్రిల్లర్ గా తెరకెక్కబోతున్న ఈ వెబ్ సిరీస్ కి విక్రమ్ కె కుమార్ దర్శకత్వం వహించబోతున్నట్టు ఇండస్ట్రీ వర్గాల్లో వినిపిస్తున్న టాక్. మనం, 24 , ఇష్క్ వంటి సూపర్ హిట్ సినిమాలను తెరకెక్కించిన విక్రమ్, అమెజాన్ ప్రైమ్ లో ‘దూత’ అనే వెబ్ సిరీస్ ని తెరకెక్కించాడు. నాగ చైతన్య హీరో గా నటించిన ఈ వెబ్ సిరీస్ 2024 లో విడుదలై పెద్ద హిట్ అయ్యింది. వరుస ఫ్లాప్స్ లో ఉన్న నాగ చైతన్య ని సక్సెస్ ట్రాక్ లోకి ఎక్కించింది ఈ వెబ్ సిరీస్. ఇప్పుడు త్వరలోనే ఆ సిరీస్ కి సీక్వెల్ చేయబోతున్నారు. ఇది పూర్తి అయ్యాక, మెగాస్టార్ చిరంజీవి తో చేయబోయే వెబ్ సిరీస్ ని మొదలు పెట్టబోతున్నాడని సమాచారం.
ఈ వెబ్ సిరీస్ తెలుగు తో పాటు హిందీ, తమిళం, మలయాళం, కన్నడ భాషల్లో కూడా తెరకెక్కుతుంది అట. త్వరలోనే ఈ వెబ్ సిరీస్ కి సంబంధించిన పూర్తి వివరాలు బయటకు రానున్నాయి. ‘మన శంకర వరప్రసాద్ గారు’ చిత్రం తో ఇండస్ట్రీ హిట్ ని అందుకున్న మెగాస్టార్ చిరంజీవి, ప్రస్తుతం తన ద్రుష్టి మొత్తాన్ని డైరెక్టర్ బాబీ తో చెయ్యబోయే సినిమా మీదనే పెట్టాడు. ఉగాది నుండి ఈ చిత్రం సెట్స్ మీదకు వెళ్లే అవకాశాలు ఉన్నాయి. ఈ చిత్రం తర్వాత ఆయన ‘దసరా’, ‘ది ప్యారడైజ్’ ఫేమ్ శ్రీకాంత్ ఓదెల తో ఒక భారీ యాక్షన్ సినిమా చేయనున్నాడు. ఈ రెండు చిత్రాలు పూర్తి అయిన తర్వాతే వెబ్ సిరీస్ పై ఫోకస్ పెట్టబోతున్నట్టు తెలుస్తోంది.
