సూపర్ స్టార్ మహేష్ బాబు నటిస్తున్న తాజా చిత్రం ‘సర్కారు వారి పాట’. ‘సరిలేరు నీకెవ్వరు’ లాంటి బ్లాక్ బస్టర్ హిట్ తర్వాత మహేష్ చేస్తున్న ఈ సినిమాపై అంచనాలు భారీగా ఉన్నాయి. స్పైసీ టైటిల్ ఉండడంతో ఆసక్తి నెలకొంది.
Also Read: నేటి నటిమణుల్లో ఈ నటి తీరు వేరు !
అయితే కరోనా లేకపోయి ఉంటే ఇప్పటికే ఈ చిత్రం షూటింగ్ మొదలయ్యేది. కానీ కరోనా కారణంగా ఆగిపోయింది. పరిస్థితులు చక్కబడ్డాక షూటింగ్ లు మొదలయ్యాక ఈ సినిమా సెట్స్ పైకి వెళ్లే అవకాశం ఉంది.
ఇప్పటికే ఈ సినిమా పోస్ట్ ప్రొడక్షన్ పనులు ఓ కొలిక్కి వచ్చినట్టు సమాచారం. తాజాగా మరో ఆసక్తిర విషయం వెలుగుచూసింది. ‘సర్కారు వారి పాట’ సినిమాలో మహేష్ బాబు ద్విపాత్రాభినయం చేయనున్నాడని టాలీవుడ్ టాక్. ఇందులో మహేష్ బాబు ఒక పాత్రలో ‘బ్రోకర్’గా కనిపిస్తాడని.. మరో పాత్రలో ‘బ్యాంకు ఆఫీసర్ గా’ కనిపిస్తారని వార్త వైరల్ అయ్యింది. ఒక్కడే ఇలా రెండు విభిన్న పాత్రల్లో కనిపిస్తాడా? లేదా ద్విపాత్రాభినయమా అన్నది తేలాల్సి ఉంది.
Also Read: ఆ క్యారెక్టర్ ఆర్టిస్ట్ ప్లేస్లో ఉంటే రెండు వేల కోట్లు సంపాదించే వాడిని: నాగబాబు
మొత్తానికి చాలా గ్యాప్ తర్వాత మహేష్ బాబు డ్యూయల్ రోల్ చేస్తుండడం ఇండస్ట్రీ వర్గాల్లో ఆసక్తి రేపుతోంది. పైగా ఊర మాస్ లుక్ ‘బ్రోకర్’ పాత్రలో మహేష్ ఎలా అలరిస్తాడన్నది వేచిచూడాలి.
