Mahesh Babu: అభిమానుల ఉత్సాహం సినీ సెలబ్రిటీలపై ఒక పరిధి లో ఉంటే చాలా బాగుంటుంది , పరిధి దాటి ప్రవర్తిస్తే , తమ అభిమాన తారలకు ఆనందాన్ని కలిగించిన వాళ్ళం అవ్వలేము , చిరాకు కలిగించిన వాళ్ళం అవుతాము. ముఖ్యంగా హీరోయిన్స్ ఈమధ్య కాలంలో పబ్లిక్ ఈవెంట్స్ కి వచ్చినప్పుడు ఎలాంటి దారుణమైన పరిస్థితులను ఎదురుకోవాల్సి వచ్చిందో మన అందరికీ తెలిసిందే. స్త్రీలకూ మాత్రమే కాదు , పురుషులకు కూడా ఇదే స్థాయిలో అభిమానుల అత్యుత్సాహం ఇబ్బందులకు గురి చేసింది. దీనిపై లేటెస్ట్ గా సూపర్ స్టార్ మహేష్ బాబు చేసిన కామెంట్స్ ఇప్పుడు సోషల్ మీడియా లో బాగా వైరల్ అయ్యాయి. అభిమానులను మహేష్ బాబు ఎంత ప్రేమిస్తాడో ప్రత్యేకించి చెప్పనవసరం లేదు. అంతే కాకుండా, ఎక్కువ కాలం ప్రైవేట్ గా ఫ్యామిలీ తో గడపాలి అని కోరుకునే వ్యక్తి .
కానీ ఆయన తన కుటుంబం తో కలిసి ఫారిన్ ట్రిప్స్ కి వెళ్తున్నప్పుడు , విమానాశ్రయం లో అభిమానులు మీద పడడం వంటివి తీవ్రమైన ఇబ్బందికి గురి చేశాయట. దీని పై ఆయన మాట్లాడుతూ ‘అప్పట్లో మొబైల్ ఫోన్స్ , కెమెరాలు ఉండేవి కాదు కాబట్టి , మేము బయట తిరిగినా పెద్దగా ఇబ్బంది ఉండేది కాదు. కానీ ఇప్పుడు మేము బయట కనిపిస్తే అభిమానులు ఉత్సాహంతో సెల్ఫీలు తీసుకోవడానికి ఎగబడుతున్నారు. అది తప్పు అని నేను అనడం లేదు . అభిమానుల ఉత్సాహం అలాగే ఉంటుంది , అది కామన్, అర్థం చేసుకోగలం , కానీ ఆ ఉత్సాహం పరిధి దాటినప్పుడే ప్రైవసీ కి భంగం కలుగుతుంది. ఎప్పుడో ఒకసారి ఇలాంటివి జరిగితే పర్వాలేదు అనుకోవచ్చు , ప్రతీ సారీ ఇలాంటి సంఘటనలు రిపీట్ అవుతూ ఉంటే ఇబ్బంది’ అంటూ మహేష్ బాబు చేసిన ఈ కామెంట్స్ ఇప్పుడు సోషల్ మీడియా లో బాగా వైరల్ అయ్యాయి.
ఇకపోతే ప్రస్తుతం ఆయన రాజమౌళి దర్శకత్వం లో ‘వారణాసి’ అనే చిత్రం చేస్తున్న సంగతి తెలిసిందే. శరవేగంగా షూటింగ్ కార్యక్రమాలు జరుపుకుంటున్న ఈ సినిమా, వచ్చే ఏడాది ఏప్రిల్ 7 న విడుదల కాబోతుంది. కేవలం ఇండియన్ భాషల్లో మాత్రమే కాకుండా, ఫారిన్ భాషల్లో కూడా విడుదల అవ్వబోతున్న ఈ సినిమాకు మార్కెట్ లో క్రేజ్ మామూలు రేంజ్ లో లేదు . ఈ ఏడాది ఆగస్టు 9 న మహేష్ బాబు పుట్టినరోజు సందర్భంగా ఈ చిత్రానికి సంబంధించిన టీజర్ ని విడుదల చేసే అవకాశం ఉందని అంటున్నారు.
