Mad For Each Other title winner: స్టార్ మా ఛానల్ లో ఎంతో అట్టహాసం గా మొదలైన ‘మ్యాడ్ ఫర్ ఈచ్ అథర్’ రియాలిటీ షో , ఈ వారం తో ముగియబోతుంది. టాప్ 5 కంటెస్టెంట్స్ గా మహేష్ – సాండ్రా , నూకరాజు – ఆసియా, పవన్ కళ్యాణ్ – వాసంతి , నటరాజ్ – నీతూ , భాను – జాను లు నిలిచారు. వీరిలో నటరాజ్ మాస్టర్ టాప్ 5 కంటెస్టెంట్స్ లో ఒకరిగా ఉండడం , సిద్దు – సోనియా జంట ఎలిమినేట్ అవ్వడం ఆడియన్స్ కి అసలు నచ్చలేదు. ఎందుకంటే నటరాజ్ మాస్టర్ డేంజర్ జోన్ లోకి వచ్చినప్పుడల్లా ఎలిమినేషన్ ని రద్దు చేశారు. అలా రెండు సార్లు ఆయనకు లైఫ్ ఇవ్వడం వల్ల, మిగిలిన ఎలిమినేటెడ్ కంటెస్టెంట్స్ కి అన్యాయం జరిగింది అనేది నెటిజెన్స్ భావన.
ఇకపోతే గ్రాండ్ ఫినాలే ఎపిసోడ్ కి సంబంధించిన షూటింగ్ నిన్ననే పూర్తి అయ్యింది. విన్నర్ ఎవరో , రన్నర్ ఎవరో తెలిసిపోయింది. టాప్ 5 స్థానం లో భాను – జానూ జంట ఎలిమినేట్ అయ్యారట. ఈ షో మొదలైన మొదటి రోజు నుండి , మొన్నటి వారం వరకు ఈ జంట ఏ రేంజ్ పెర్ఫార్మన్స్ ఇచ్చిందో అందరూ చూసారు. వీళ్ళు టాప్ 2 లో ఉండాల్సిన కంటెస్టెంట్స్ , అయినప్పటికీ కూడా టాప్ 5 లో ఎలిమినేట్ అవ్వడం నిజంగా అన్యాయమే. ఇక టాప్ 4 స్థానంలో నటరాజ్ – నీతూ జంట ఎలిమినేట్ అయ్యారు. వీళ్లకు సోషల్ మీడియా క్యాంపైన్ మామూలు రేంజ్ లో లేదు. ‘బిగ్ బాస్ 9’ రన్నర్ తనూజ, అమర్ దీప్ , అంబటి అర్జున్ ఇలాంటి టాప్ సెలబ్రిటీలందరూ ఈ జంటకు ఓటు వెయ్యమని ప్రచారం చేశారు . ఆ కారణం చేతనే ఈ జంట టాప్ 4 లో ఉందని అంటున్నారు విశ్లేషకులు.
ఇక మూడవ స్థానం లో ఎలిమినేట్ అయిన జంట మహేష్ – సాండ్రా. వీళ్ళు మొదట్లో ఎలిమినేట్ అయ్యారు , కానీ వైల్డ్ కార్డు ఎంట్రీ ద్వారా రీ ఎంట్రీ ఇచ్చిన ఈ జంట , తమ సత్తా చాటారు. టాస్కులు బాగా ఆడుతూ , మొదటి ఫైనలిస్ట్ గా నిలిచారు. సోషల్ మీడియా లో ప్రతీ పోలింగ్ లోనూ ఈ జంట టాప్ 2 స్థానం లోనే ఉంది . అయినప్పటికీ వీళ్ళు 3 వ స్థానం లో ఎలిమినేట్ అవ్వడం దురదృష్టకరం. ఇక ఈ సీజన్ టైటిల్ విన్నర్ గా పవన్ కళ్యాణ్ – వాసంతి , రన్నర్ గా నూకరాజు – ఆసియా జంట నిలిచారు. ఈ రెండు జంటలు కూడా టైటిల్ కి అర్హత ఉన్నవాళ్లే.
