Peddi vs Maa Inti Bangaram: గ్లోబల్ స్టార్ రామ్ చరణ్ ‘పెద్ది ‘ బాక్స్ ఆఫీస్ జోరు గత రెండు వారాలుగా ఏ రేంజ్ లో ఉన్నిందో మన కళ్లారా చూసాము. ఎంత పెద్ద సూపర్ స్టార్ సినిమా అయినా, వీకెండ్ తర్వాత వసూళ్లు పడిపోయే రోజులివి. ఎందుకంటే సమీపం లోనే ఓటీటీ లోకి వచ్చేస్తుంది, ఈ మాత్రం దానికి థియేటర్ వరకు వెళ్లి సమయాన్ని ఎందుకు వృధా చేసుకోవడం అనే మైండ్ సెట్ కి వచ్చేసారు జనాలు. ఇలాంటి రోజుల్లో కూడా వీకెండ్ తర్వాత , మామూలు వర్కింగ్ డేస్ లో భారీ వసూళ్లను రాబట్టడం అనేది చిన్న టాస్క్ కాదు. కానీ ‘పెద్ది’ చిత్రం ఆ అరుదైన ఫీట్ ని చేసి చూపించింది. మామూలు వర్కింగ్ డేస్ లో ఈ చిత్రానికి నమోదైన వసూళ్లను చూసి ట్రేడ్ షాక్ కి గురైంది.
పైగా రెండు వారాల పాటు , చెప్పుకోదగ్గ పెద్ద సినిమాలు కూడా విడుదల లేకపోవడం తో, ఆడియన్స్ కి పెద్ది తప్ప మరో ఛాయస్ లేకుండా పోయింది. అయితే నిన్న విడుదలైన సమంత ‘మా ఇంటి బంగారం’ చిత్రం మాత్రం ‘పెద్ది’ వసూళ్లకు పెద్ద గండి పెట్టింది అనడంలో ఎలాంటి సందేహం లేదు. భారీ అంచనాల నడుమ విడుదలైన ఈ చిత్రానికి మంచి పాజిటివ్ రెస్పాన్స్ వచ్చింది. విమర్శకులు సైతం పర్వాలేదు , ఒకసారి కచ్చితంగా ఈ చిత్రాన్ని చూడొచ్చు అనే రేంజ్ టాక్ చెప్పడం తో, మూవీ లవర్స్ , ఫ్యామిలీ ఆడియన్స్ ఈ వారానికి ఆ చిత్రాన్ని మొదటి ఛాయస్ గా ఎంచుకున్నారు. ఆ కారణం చేత ‘పెద్ది’ వసూళ్లు బాగా డ్రాప్ అయ్యాయి. నిన్న తెలుగు రాష్ట్రాల నుండి ఈ చిత్రానికి కేవలం 69 లక్షల రూపాయిల షేర్ వసూళ్లు మాత్రమే వచ్చింది. ఈరోజు వీకెండ్ కాబట్టి అన్ని ప్రాంతాల్లోనూ ‘పెద్ది’ మరోసారి జోరు చూపిస్తుందని అనుకున్నారు.
కానీ ఆశించిన స్థాయి జోరు మాత్రం కనిపించడం లేదు. ఇదే అభిమానులకు కాస్త నిరాశకు గురి చేస్తున్న విషయం. ‘పెద్ది’ విడుదలైన రెండు వారాలకు ‘మా ఇంటి బంగారం’ వచ్చింది, ఒకవేళ ‘పెద్ది’ విడుదలైన వారానికే ఈ చిత్రం పోటీ కి దిగుంటే , కలెక్షన్స్ పై ఇంకా తీవ్రమైన ప్రభావం చూపించి ఉండేదని అంటున్నారు. ఒకవేళ ‘మా ఇంటి బంగారం’ చిత్రం పోటీ లో ఇప్పుడు లేకపోయుంటే , కచ్చితంగా శనివారం రోజు రెండు కోట్ల రూపాయిల షేర్ వసూళ్లను, అదే విధంగా ఆదివారం రోజున మూడు కోట్ల రూపాయలకు పైగా షేర్ వసూళ్లను ఈ చిత్రం తెలుగు రాష్ట్రాల నుండి కచ్చితంగా రాబట్టి ఉండేదని అంటున్నారు ట్రేడ్ విశ్లేషకులు.
