Vikram Movie: కమల్ హాసన్ కు బర్త్ డే గిఫ్ట్ ఇచ్చిన… “విక్రమ్” మూవీ టీమ్

Vikram Movie: లోక నాయకుడు కమల్​హాసన్​ హీరోగా లోకేశ్​ కనకరాజ్ దర్శకత్వంలో ప్రతిష్టాత్మకంగా తెరకెక్కిస్తున్న చిత్రం “విక్రమ్”. ఇందులో విజయ్​ సేతుపతి, ఫహద్​ ఫాజిల్​ కీలక పాత్రల్లో కనిపించనున్నారు. ఈ చిత్రాన్ని కమల్​ హాసన్​, ఆర్​. మహేంద్రన్​తో కలిసి సంయుక్తంగా నిర్మిస్తున్నారు. ఇప్పటికే ఈ సినిమాకు సంబంధించిన ప్రచార చిత్రాలు ప్రేక్షకులను అమితంగా ఆకట్టుకున్నాయి. అయితే ఇప్పుడు తాజాగా ఈ సినిమాకు సంబంధించిన కొత్త అప్​డేట్​ను మూవీ యూనిట్ ప్రకటించింది.

నేడు కమల్ హాసన్ పుట్టినరోజు కావడంతో… ఈ మేరకు ఒకరోజు ముందుగానే కమల్ కు బర్త్ డే కానుకను ఇచ్చింది మూవీ యూనిట్.  ఈ మేరకు  ‘విక్రమ్’ సినిమా నుంచి ఫస్ట్ గ్లింప్స్ ను విడుదల చేశారు. ఇందులో కమల్ హాసన్ ఆయన అనుచరులు జైలు నుంచి తప్పించుకునే ప్రయత్నం చేయగా… వారిపై పోలీసులు, రౌడీలు కాల్పులు జరుపుతూ ఉంటారు. అయితే వారిని అడ్డుకోవడానికి ఇనుప కవచాలు వాడుతూ బుల్లెట్స్ కి కమల్ హాసన్ ఎదురెళ్తారు. ఈ సీన్ టీజర్ లో హైలైట్ అని చెప్పొచ్చు. ఈ చిత్రానికి అనిరుధ్ ర‌విచంద్ర‌న్ సంగీతాన్ని అందిస్తున్నారు.

ఈ మధ్యకాలంలో కమల్ హాసన్ రాజకీయాలతో బిజీగా ఉండడంతో వెండితెరపై కనిపించలేదు. దాదాపు మూడేళ్లుగా ఆయన నటించిన సినిమా ఏదీ కూడా విడుదలవ్వలేదు. ‘ఇండియన్ 2’ సినిమా పలు కారణాల రీత్యా ఆగిపోగా… త్వరలోనే మళ్ళీ ప్రారంభం కానుంది. ఇక చాలా గ్యాప్ తరువాత ఆయన నటిస్తోన్న సినిమా కావడంతో విక్రమ్ పై ప్రేక్షకుల్లో భారీ అంచనాలు నెలకొన్నాయి. ప్రస్తుతం ఈ టీజర్ సోషల్ మీడియా లో వైరల్ గా మారింది.