Kalki 2 movie budget: నాగ్ అశ్విన్ దర్శకత్వంలో ప్రభాస్ హీరోగా చేసిన ‘కల్కి’ సినిమా పెను సంచలనాలను క్రియేట్ చేసింది. అయితే ఈ సినిమాకి సీక్వెల్ గా ‘కల్కి 2’ సినిమా కూడా రాబోతుంది అంటూ మేకర్స్ అనౌన్స్ చేశారు. మొత్తానికైతే ‘కల్కి 2’ సినిమా షూటింగ్ కి సంబంధించిన సెట్స్ మొత్తాన్ని రెడీ చేసి పెట్టారట. ప్రభాస్ ఎప్పుడు వస్తే అప్పుడు సినిమా షూటింగ్ చేయడానికి వాళ్ళు సన్నాహాలు చేసుకుంటున్నట్టుగా తెలుస్తుంది. ఇక ఇదిలా ఉంటే ప్రభాస్ ప్రస్తుతం స్పిరిట్ మూవీ షూటింగ్లో పాల్గొంటున్నారు. కల్కి మూవీ తో 1100 కోట్ల కలెక్షన్స్ ని కొల్లగొట్టాడు. కాబట్టి ‘కల్కి 2’ సినిమా మీద బడ్జెట్ కూడా భారీగానే కేటాయించే అవకాశాలైతే ఉన్నాయి. ఈ సినిమా మీద దాదాపు 800 కోట్ల వరకు బడ్జెట్ ను కేటాయిస్తున్నారు. ఇక ఇప్పటికే ఈ సినిమా మీద భారీ హైప్ ఉండడం వల్ల ఈ సినిమాని చూడడానికి ప్రతి ప్రేక్షకుడి ఇంట్రెస్ట్ చూపిస్తాడు.
కాబట్టి వాళ్ల హైప్ ని క్యాష్ చేసుకోవడానికి ఈ సినిమాని విజువల్ వండర్ గా తెరకెక్కించాలనే ఉద్దేశ్యంతో నాగ్ అశ్విన్ ఉన్నాడు… తను అనుకున్నట్టుగానే ఈ సినిమాతో భారీ విజయాన్ని సాధిస్తే ‘నాగ్ అశ్విన్’ పాన్ వరల్డ్ లోనే ఒక మంచి దర్శకుడుగా మారిపోతాడు. ఇక ఈ సినిమా బడ్జెట్ చూసిన కొంతమంది ‘కల్కి 2’ సినిమా బడ్జెట్ తో దాదాపు 100 సినిమాలు చేయొచ్చు అంటూ కొన్ని కామెంట్లు చేస్తున్నారు.
నిజానికి 5,6 కోట్ల బడ్జెట్లో తెరకెక్కే సినిమాలు ఈ మధ్యకాలంలో మంచి విజయాలను సాధిస్తున్నాయి. ముఖ్యంగా ‘రాజు వెడ్స్ రాంబాయి’ లాంటి సినిమాలు చాలా తక్కువ బడ్జెట్ తో చేశారు. ఇక ‘కల్కి 2’ సినిమా మీద పెట్టే బడ్జెట్ తో అలాంటివి ఒక 100 సినిమాలు చేయొచ్చు అంటూ కొంతమంది సినిమా విమర్శకులు సైతం కామెంట్స్ చేస్తున్నారు. సినిమా బడ్జెట్ ను ఉద్దేశించి ఇలాంటి కామెంట్లు చేస్తున్నారు…
ఇక మరి కొంతమంది మాత్రం ఏ సినిమా రేంజ్ ఆ సినిమాదే విజువల్ వండర్స్ ను క్రియేట్ చేస్తేనే మన ఇండస్ట్రీ హాలీవుడ్ ఇండస్ట్రీకి సరి సమానంగా మారుతుంది. లేకపోతే మనం ఎన్ని సినిమాలు చేసిన కూడా సక్సెస్ ఫెయిల్యూర్స్ మాత్రమే ఉంటాయి తప్ప ఇండియన్ సినిమా ముఖ్యంగా తెలుగు సినిమా స్థాయి పెరగదు అనే కామెంట్స్ వ్యక్తమవుతున్నాయి. ప్రస్తుతం సోషల్ మీడియాలో ఈ న్యూస్ ను విపరీతంగా వైరల్ చేస్తున్నారు…
