Buchi Babu false statements: సోషల్ మీడియా లో ప్రస్తుతం ఎక్కడ చూసినా ‘పెద్ది’ మూవీ డైరెక్టర్ బుచ్చి బాబు నే కనిపిస్తున్నాడు. ఆయన దర్శకత్వం వహించిన ‘పెద్ది’ మూవీ జూన్ 4 న ప్రపంచవ్యాప్తంగా భారీ అంచనాల నడుమ విడుదల కాబోతుండడం తో , ప్రొమోషన్స్ లో భాగంగా ఇంటర్వ్యూస్ నాన్ స్టాప్ గా ఇస్తూనే ఉన్నాడు. ఈ రేంజ్ లో ఇంటర్వ్యూస్ ఈమధ్య కాలంలో ఏ డైరెక్టర్ కూడా ఇవ్వలేదు. యూట్యూబ్ ఓపెన్ చేసినా , ట్విట్టర్ ఓపెన్ చేసినా, ఇన్ స్టాగ్రామ్ ఓపెన్ చేసినా , ఇలా ఎక్కడ చూసిన బుచ్చి బాబు నే కనిపిస్తున్నాడు. ఆ రేంజ్ లో ఆయన సినిమాని ప్రమోట్ చేస్తున్నాడు. ఇతను మాట్లాడే ప్రతీ మాట నెటిజెన్స్ ని ఆకట్టుకుంటుంది. చాలా మర్యాదతో , పద్దతిగా , ఎలాంటి యాటిట్యూడ్ చూపించకుండా ఆయన మాట్లాడే మాటలను చూస్తే, దురాభిమానుల కూడా ‘పెద్ది’ కి టికెట్స్ తెంచడం ఖాయం.
అయితే ఇక్కడే కొన్ని సందేహాలు వ్యక్తం అవుతున్నాయి. ఈ చిత్రం లో రామ్ చరణ్ గురువు పాత్ర కోసం శివరాజ్ కుమార్ ని తీసుకున్నారు. అయితే రీసెంట్ గా జరిగిన ఒక ఇంటర్వ్యూ లో యాంకర్ ఒక ప్రశ్న అడుగుతూ ‘మన తెలుగు లో ఎంతో మంది గొప్ప నటులు ఉన్నారు , మీరు వాళ్ళని తీసుకోవచ్చు కదా, పక్క రాష్ట్రము నుండి శివరాజ్ కుమార్ ని ఎందుకు తీసుకున్నారు’ అని అడగ్గా, శివ రాజ్ కుమార్ ముఖం మన ఆడియన్స్ కి పెద్దగా తెలియదు , నాకు కొత్త ముఖం కావలి కాబట్టి ఆయన్ని తీసుకున్నాను , తెలుగు వాళ్ళని కూడా పరిగణలోకి తీసుకున్నాము కానీ , వర్కౌట్ అవ్వలేదు అంటూ చెప్పుకొచ్చాడు. కానీ ఇక్కడే పెద్ద అబద్దం ఆడాడు బుచ్చి బాబు. ఎందుకంటే ఈ క్యారెక్టర్ కోసం ఆయన తమిళ హీరో విజయ్ సేతుపతి ని ముందుగా సంప్రదించాడు.
విజయ్ సేతుపతి కి కావాల్సినంత స్టఫ్ ఆ పాత్రలో దొరకకపోవడం తో ఆయన రిజెక్ట్ చేశాడు. ఈ విషయాన్ని స్వయంగా విజయ్ సేతుపతి ఒక ఈవెంట్ లో చెప్పుకొచ్చాడు. అదే విధంగా ఈ చిత్రాన్ని నేను ‘ఉప్పెన’ సినిమా విడుదల అవ్వకముందే పిఠాపురం లోని పాదగయ గుడిలో నా తదుపరి చిత్రం రామ్ చరణ్ తో , టైటిల్ ‘పెద్ది’ అని రాసుకున్నాను అంటూ చెప్పుకొచ్చాడు బుచ్చి బాబు. ఇది కూడా పచ్చి అబద్దం అని అంటున్నారు నెటిజెన్స్. ఎందుకంటే ఈ కథ ని ముందుగా ఆయన ఎన్టీఆర్ తో చెయ్యాలని అనుకున్నాడు. అప్పట్లో ఎన్టీఆర్ తో బుచ్చి బాబు సినిమా , టైటిల్ ‘పెద్ది’ అంటూ పెద్ద ఎత్తున ప్రచారం కూడా జరిగింది. అయితే ఎన్టీఆర్ డేట్స్ సర్దుబాటు కాకపోవడం తో ఆయన తప్పుకున్నాడు , తర్వాత ఇది రామ్ చరణ్ చేతుల్లోకి వెళ్ళింది , ఇదే జరిగిన వాస్తవం , కానీ బుచ్చి బాబు అబద్దం చెప్పాడు అంటూ సోషల్ మీడియా లో నెజిజెన్స్ ఆయనపై మండిపడుతున్నారు.
