Dhanush New Movie Updates: తమిళ్ సినిమా ఇండస్ట్రీలో ఎంతమంది హీరోలు ఉన్నప్పటికి ధనుష్ కి ఉన్న గుర్తింపు నెక్స్ట్ లెవెల్ అనే చెప్పాలి. పాన్ ఇండియాలో అతనికి చాలా మంచి మార్కెట్ ఉంది. ఇప్పటివరకు అతనితో చాలా మంది దర్శకులు డిఫరెంట్ సినిమాలను చేశారు. ఇక ఎవరు ఎలాంటి సినిమాలు చేసిన కూడా వాళ్ళకంటూ ఒక సపరేట్ ఐడెంటిటి క్రియేట్ చేసుకుంటున్నారు. కాబట్టి ధనుష్ కూడా వారందరితో సినిమాలు చేస్తూ ప్రయోగాత్మకమైన క్యారెక్టర్స్ ని చేసి మెప్పిస్తున్నాడు. ఇక ఇప్పటివరకు ఆయన చాలా సినిమాల్లో డిఫరెంట్ పాత్రల్లో నటించాడు. కానీ తనకి ఒక కాటి కాపరి గెటప్ లో నటించాలని ఉందని తెలియజేశాడు. నిజానికి శివపుత్రుడు సినిమాలో విక్రమ్ అలాంటి ఒక డిఫరెంట్ పాత్రను పోషించి చాలా మంచి గుర్తింపును సంపాదించుకున్నాడు. ఇక ఇప్పుడు ధనుష్ నటన పరంగా చాలా వైవిధ్యాన్ని కోరుకుంటున్నాడు. కాబట్టి అలాంటి పాత్ర ఏదైనా దొరికితే చేస్తానని తన సన్నిహితుల దగ్గర చెబుతున్నారట. ఇక ఇప్పుడు అలాంటి రియాలెస్టిక్ సినిమాలను ఆదరించే ప్రేక్షకులు తగ్గిపోయారు. కాబట్టి తమిళ్ డైరెక్టర్లు సైతం అలాంటి సినిమాల వైపు అడుగులు వేయడం లేదు.
దాంతో ధనుష్ అనుకున్న కోరిక అప్పటినుంచి ఇప్పటివరకు నెరవేరలేదట. ఇక ఇప్పుడు ఎవరైనా ముందుకొచ్చి అలాంటి కథతో ధనుష్ తో సినిమా చేస్తే తను తప్పకుండా సినిమా చేస్తానని చెబుతున్నట్టుగా తెలుస్తుంది…
ధనుష్ హీరోగా కాకుండా దర్శకుడిగా కూడా తన సత్తా చాటుకోవాలని చూస్తున్నాడు. గత సంవత్సరం రాయన్ సినిమాతో డైరెక్టర్ గా తనను తాను పరిచయం చేసుకున్నాడు. ఇక ఆ సినిమా ఆశించిన మేరకు విజయాన్ని సాధించకపోవడంతో ఆయన కొంతవరకు డీలాపడ్డాడు. ఇడ్లీ కొట్టు సినిమాతో మరోసారి దర్శకుడిగా తన సత్తా చాటుకునే ప్రయత్నం చేసిన కూడా ఆ సినిమా ప్రేక్షకులను ఏమాత్రం మెప్పించలేకపోయింది.
దాంతో ఆయన దర్శకత్వాన్ని పక్కనపెట్టి ఇప్పుడు సినిమా హీరోగానే ఎక్కువగా ఫోకస్ చేయాలనే ప్రయత్నంలో ఉన్నట్టుగా తెలుస్తుంది. ఇక ఎప్పటికప్పుడు వైవిధ్యాన్ని కోరుకునే ఆయన ఇప్పటికి డిఫరెంట్ సినిమాల వైపే అడుగులు వేస్తుండటం విశేషం…