Cooku With Jathiratnalu 2: స్టార్ మా ఛానల్ లో ప్రతి శని , ఆదివారాల్లో ప్రసారమయ్యే ‘కుకూ విత్ జాతి రత్నాలు 2’ ప్రోగ్రాం ఎంత పెద్ద బ్లాక్ బస్టర్ అయ్యిందో ప్రత్యేకించి చెప్పనవసరం లేదు. ప్రస్తుతం స్టార్ మా ఛానల్ లో అత్యధిక టీఆర్ఫీ రేటింగ్స్ తో కొనసాగుతున్న షో ఏదైనా ఉందా అంటే , అది ఇదే. ఇప్పటికే ఈ షో నుండి శ్రీకాంత్ అయ్యంగార్, కళ్యాణ్ పడాల , పల్లవి రామస్వామి , తేజస్విని గౌడ వంటి వారు ఎలిమినేట్ అయ్యారు. వీళ్ళ ఎలిమినేషన్ తర్వాత నేడు జరగబోయే ఎపిసోడ్ లో నలుగురు కుక్స్ వైల్డ్ కార్డు ద్వారా ఎంట్రీ ఇవ్వనున్నారు. వాళ్ళు ఎవరంటే కృత్తిక ఉమా శంకర్ (పొదరిల్లు హీరోయిన్), శ్రవణ్ కుమార్ (మగువా ఓ మగువా హీరో), పునర్వవి భూపాళం(బిగ్ బాస్ 3 కంటెస్టెంట్), సుమిత్ (సీనియర్ సీరియల్ ఆర్టిస్ట్) ఎంట్రీ ఇచ్చారు.
ఈ వారం ఎన్నడూ లేని విధంగా ఇద్దరు కుక్స్ కలిసి వంట చేసే టాస్క్ ఇచ్చారు జడ్జీలు. ఈ వారం మినీ లాంచ్ ఈవెంట్ లెక్కలోకి వస్తుంది కాబట్టి, ఈ వారం స్కోర్స్ లెక్కల్లోకి రాదు. వచ్చే రెండు వారాల్లో వచ్చే స్కోర్స్ ఆధారంగానే ఎలిమినేషన్స్ ఉంటుంది. ఈ ఎపిసోడ్స్ కి సంబంధించిన షూటింగ్స్ కూడా పూర్తి అయ్యాయి. ముందుగా సుమిత్ అనే కంటెస్టెంట్ ఎలిమినేట్ అయ్యాడట. ఇక ఆ తర్వాత వారాలకు సంబంధించిన ఎపిసోడ్స్ లో అతి తక్కువ మార్కులు డిమోన్ పవన్ మరియు శ్రవణ్ కుమార్ లకు వచ్చిందట. వీళ్లిద్దరి మధ్య జరిగిన ‘కుక్ ఆఫ్’ రౌండ్ లో డిమాం పవన్ గెలవగా, శ్రవణ్ కుమార్ ఓటమి పాలై ఎలిమినేట్ అయ్యారు. అలా నేడు ఎంట్రీ ఇచ్చిన నలుగురు వైల్డ్ కార్డు కంటెస్టెంట్స్ లో ఇద్దరు ఎలిమినేట్ అయిపోయారు. ఇక చివర్లో మిగిలేది ఎవరో చూడాలి.
ఇకపోతే ఈరోజు , రేపు ప్రసారం అవ్వబోయే ఎపిసోడ్స్ లో తనూజ కనిపించకపోయేసరికి , ఆమె ఈ షో నుండి ఎలిమినేట్ అయ్యిందంటూ పెద్ద ఎత్తున వార్తలు వినిపిస్తున్నాయి. అయితే అందులో ఎలాంటి నిజం లేదని తెలుస్తోంది. తనూజ ప్రస్తుతం ఒక వెబ్ సిరీస్ షూటింగ్ లో బిజీ గా ఉంది. ఆ కారణం చేత ఆమె ఈ ఎపిసోడ్స్ లో పాల్గొనలేకపోయిందని , తదుపరి వారం లో జరగబోయే ఎపిసోడ్స్ లో ఆమె కచ్చితంగా కనిపిస్తుందని , అందుకు సంబంధించిన షూటింగ్స్ కూడా పూర్తి అయ్యాయని సమాచారం. అదే విధంగా వచ్చే వారం జాతి రత్నాలు క్యాటగిరీ lo నూకరాజు ఎంట్రీ ఇవ్వబోతున్నాడట. చూడాలి మరి , ఈయన ఏ రేంజ్ సందడి చేయబోతున్నాడు అనేది.
