Chiranjeevi tweet on Samantha: గత కొంతకాలంగా సోషల్ మీడియా లో సమంత పెగ్నన్సీ విషయం పై ఎలాంటి ప్రచారం జరుగుతూ వస్తుందో చూస్తూనే ఉన్నాం. రీసెంట్ గా ఆమె ప్రధాన పాత్ర పోషించిన ‘మా ఇంటి బంగారం’ చిత్రం విడుదల సందర్భంగా , ప్రమోషన్స్ లో పాల్గొన్నప్పుడు నెటిజెన్స్ బేబీ బంప్ ని గమనించారు. దీనిపై అటు సమంత , ఇటు రాజ్ , ఇద్దరూ కూడా మౌనం గా ఉండడం తో , సోషల్ మీడియా లో ప్రచారం అవుతున్న వార్త నిజమే అని అనుకున్నారు నెటిజెన్స్. అయితే కాసేపటి క్రితమే మెగాస్టార్ చిరంజీవి వేసిన ట్వీట్ తో సమంత గర్భం దాల్చింది అనే విషయం నిర్ధారణ అయ్యింది. ‘చిరు లీక్స్’ అనేది ఇండస్ట్రీ లో ఎంత వైరల్ అయ్యిందో చెప్పడానికి ఇదొక ఉదాహరణ, ఇలాంటి లీక్స్ గతం లో చిరంజీవి చాలానే ఇచ్చారు.
పూర్తి వివరాల్లోకి వెళ్తే రీసెంట్ గానే చిరంజీవి ‘మా ఇంటి బంగారం’ మూవీ చూసారు. ఆయనకు సినిమా చాలా బాగా నచ్చింది , వెంటనే మూవీ టీం ని తన ఇంటికి రప్పించుకొని , కాసేపు వాళ్ళతో ముచ్చట్లు జరిపి , సన్మానం చేసి పంపించాడు. అందుకు సంబంధించిన ఫోటోలు సోషల్ మీడియా లో బాగా వైరల్ అయ్యాయి. నేడు ఈ చిత్రం గురించి చిరంజీవి ట్వీట్ వేస్తూ ‘ఇటీవలే మా ఇంటి బంగారం చిత్రాన్ని చూశాను . ఉమ్మడి కుటుంబ నేపథ్యం లో తెరకెక్కిన ఈ యాక్షన్ ఎంటర్టైనర్ లో భావోద్వేగాలను అందంగా మేళవిస్తూ, వినోదాత్మకంగా తనదైన శైలిలో అద్భుతంగా తెరకెక్కించారు దర్శకురాలు నందిని రెడ్డి. సమంత నటన , ముఖ్యంగా చీరకట్టులో ఆమె చేసిన యాక్షన్ సన్నివేశాలు సినిమాకు ప్రత్యేక ఆకర్షణ గా నిలిచాయి. ఇలాంటి వైవిద్యభరితమైన మహిళా ప్రాధాన్యత కలిగిన చిత్రాలు మన సినీ పరిశ్రమకు అత్యంత అవసరం. ఈ సందర్భంగా మూవీ టీం మొత్తానికి నా హృదయపూర్వక అభినందనలు’ అంటూ చెప్పుకొచ్చాడు.
అదే విధంగా చివర్లో ‘వ్యక్తిగత జీవితం లో కొత్త అధ్యాయాన్ని ఆహ్వానిస్తున్న సమంత – రాజ్ దంపతులకు ప్రత్యేక శుభాకాంక్షలు’ అంటూ చెప్పుకొచ్చాడు. కొత్త అధ్యాయం అంటే , కచ్చితంగా ఆయన సమంత ప్రెగ్నన్సీ గురించే పరోక్షంగా ప్రస్తావించాడని అంటున్నారు విశ్లేషకులు. ప్రాణాంతక వ్యాధితో పోరాడి , కనీసం నిలబడలేని స్థాయి నుండి , నేడు ఒక జీవానికి ఊపిరి పోసేంతలా ఎదిగిన సమంత ని చూసి ప్రతీ ఒక్కరు గర్వపడాలి , ఆమె జీవితాన్ని ఆదర్శంగా తీసుకోవాలని అంటున్నారు. ఇకపోతే ఆమె నటించిన ‘మా ఇంటి బంగారం చిత్రం ప్రపంచవ్యాప్తంగా 50 కోట్ల గ్రాస్ మార్కుకి చాలా దగ్గరగా ఉంది. సోమవారం రోజున కూడా ఈ చిత్రానికి డీసెంట్ స్థాయి వసూళ్లు నమోదు అవ్వడం గమనార్హం.
“మా ఇంటి బంగారం“ చాలా ఆసక్తికరంగా అనిపించింది. ఉమ్మడి కుటుంబ నేపథ్యంలో యాక్షన్, భావోద్వేగాలను అందంగా మేళవిస్తూ వినోదాత్మకంగా దర్శకురాలు నందిని రెడ్డి తనదైన శైలిలో తెరకెక్కించారు. @Samanthaprabhu2 నటన, ముఖ్యంగా చీరకట్టులో చేసిన యాక్షన్ సన్నివేశాలు ప్రత్యేక ఆకర్షణగా నిలిచాయి.… pic.twitter.com/eE5xemjh3c
— Chiranjeevi Konidela (@KChiruTweets) June 23, 2026
