AR Rehman: ప్రముఖ మ్యూజిక్ డైరక్టర్.. ఆస్కార్ అవార్డు గ్రహీత ఎఆర్ రెహ్మాన్కు మరో అరుదైన గౌరవం దక్కింది. ఆదివారం నిర్వహించిన కైరో ఇంటర్నేషనల్ ఫిల్మ్ ఫెస్టివర్ (CIFF), కైరో ఒపెరా హౌస్‌లో ఏఆర్ రెహమాన్‌కు ఘన సత్కారం లభించింది. ఈ సందర్భంగా మాట్లాడిన రెహ్మా.. ఈ అరుదైన గౌరవం అందుకోవడం సంతోషంగా ఉందని తెలిపారు.
సంగీతంతో పాటు, పాటలు రాయడం, పాడటమే కాకుండా.. సినిమా కథలు కూడా రాస్తుంటారు రెహ్మాన్. దీంతో పాటు నిర్మాతగా కూడా వ్యవహరిస్తున్నారు. బాలీవుడ్, టాలీవుడ్, అంతర్జాతీయ సినిమాలే కాకుండా.. థియేటర్ ప్రాజెక్టుల్లోనూ పనిచేసిన అనుభవం రెహ్మాన్ది. సినిమా ఇండస్ట్రీలోనే అత్యధిక పారితోషకం పొందుతున్న టాప్ మ్యూజిక్ డైరెక్టర్లలో ఒకరు రెహ్మాన్.
రెహ్మాన్ తన తొలి సినిమా రోజాతో ఆయన సినీ కెరీర్ను ప్రారంభించారు. ఆ తర్వాత బాంబె, కదలన్, తిరుడా తిరుడా, జెంటిల్మన్తో సహా అనేక చిత్రాలకు మ్యూజిక్ అందించారు. 2008లో స్లమ్‌డాగ్ మిలియనీర్’ చిత్రంతో మ్యూజిక్ డైరెక్టర్ గా ఆయనకు అంతర్జాతీయ స్థాయిలో గుర్తింపు వచ్చింది. ఈ క్రమంలోనే ఉత్తమ ఒరిజినల్ స్కోర్, బెస్ట్ ఒరిజినల్ సాంగ్కు గాను ఆస్కార్ అవార్డును అందుకున్నారు.
కాగా, డిసెంబరు 5 వరకు ఈ ప్రతిష్టాత్మక వేడుకలు జరగనున్నానయి. ఇందులో భాగంగా ఈజిప్టు ప్రఖ్యాత స్వరకర్త హిషామ్ నజీహ్ ఏఆర్ రెహమాన్ అద్భుతమైన పని గురించి చర్చిస్తూ ఒక ప్రత్యేక చర్చ నిర్వహించారు. ఈ కార్యక్రమానికి అనేక మంది చిత్రనిర్మాతలు, విమర్శకులు హాజరయ్యారు. 63 దేశాల నుండి 111 చిత్రాలను ప్రదర్శించడం, CIFF యొక్క 43వ ఎడిషన్ కార్యకలాపాలలో 34 ప్రపంచ ప్రీమియర్‌లు, వర్క్‌షాప్‌లు, సెమినార్‌లు ఉన్నాయి. ఇలా చివరి వరకు అనేక కార్యక్రమాలు జరగనున్నాయి.
