Balakrishna- Honey Rose: బాలకృష్ణకు మ‌ల‌యాళీ భామను సెట్ చేసిన అనిల్ రావిపూడి

Balakrishna- Honey Rose: టాలెంటెడ్ డైరెక్టర్ అనిల్ రావిపూడి, బాలయ్య బాబుతో సినిమా చేయబోతున్నాడు. అయితే, నటసింహం బాలయ్య కోసం హీరోయిన్ గా అనిల్ రావిపూడి మ‌ల‌యాళీ ముద్దుగుమ్మ‌ను పట్టుకొచ్చాడు. ఆ ముద్దుగుమ్మ మరెవ‌రో కాదు.. ‘హ‌నీ రోజ్’. ఈ భామ తెలుగు ప్రేక్షకులకు పెద్దగా పరిచయం లేకపోవచ్చు. కానీ, ప‌లు మ‌ల‌యాళ‌, క‌న్న‌డ‌, త‌మిళ‌ చిత్రాల్లో న‌టించి మెప్పించింది.

తెలుగులో కూడా ‘ఆల‌యం, ఈ వ‌ర్షం సాక్షిగా’ అనే చిత్రాల్లో హ‌నీ రోజ్ న‌టించింది. ఇప్పుడు ఏకంగా బాలయ్యతో రొమాన్స్ చేయబోతుంది. అనిల్ రావిపూడి దర్శకత్వంలో రాబోతున్న ఈ పవర్ ఫుల్ యాక్షన్ ఎంటర్టైనర్ లో ఈమె పాత్ర‌కు మంచి ప్రాధాన్య‌త ఉంటుందట. మెయిన్ హీరోయిన్ గా నటిస్తోన్న తమన్నా ఓన్లీ ప్లాష్ బ్యాక్ లో మాత్రమే కనిపిస్తోంది.

Also Read: Janasena Chief Pawan Kalyan: పవన్ కు ఏపీ కంటే తెలంగాణపై ఎందుకంత ప్రేమ?

లైవ్ లో హ‌నీ రోజ్ కే ఎక్కువ స్క్రీన్ స్పెస్ ఉంది. అందుకే, బాలయ్య కొత్త సినిమాలో మెయిన్ హీరోయిన్ ఇప్పుడు హనీ రోజ్ అనే టాక్ నడుస్తోంది. హనీ రోజ్ 2005లో ‘బాయ్ ఫ్రెండ్’ అనే సినిమాతో వెండితెర పై అరంగేట్రం చేసింది. ఆమె చేసిన సినిమాల విషయానికొస్తే.. స్టార్ హీరోలు మోహన్ లాల్, మమ్ముట్టి, జయరాం, సురేశ్ గోపి సరసన ఆడిపాడింది.

ప్రస్తుతం బాలయ్య చిత్రంతో పాటు ‘పట్టామ్ పూచి’, ‘మాన్స్టర్’ సినిమాల్లోనూ హనీ రోజ్ నటిస్తోంది. నిజానికి అనిల్ రావిపూడి ఈ రోల్ కోసం చాలామంది హీరోయిన్ల పేర్లనే పరిశీలించాడు. హనీ రోజ్ అయితే, బడ్జెట్ లో వస్తోంది. పైగా తను రాసుకున్న పాత్రకు పూర్తి న్యాయం చేస్తోంది. గ్లామర్ పరంగానే కాకుండా నటన పరంగా కూడా హనీ రోజ్ లో మ్యాటర్ ఉంది. అందుకే, ఆమెను ఫైనల్ చేశాడు అనిల్ రావిపూడి.

మరి, బాలయ్య సినిమా హిట్ అయితే, టాలీవుడ్ కి మరో సాలిడ్ హీరోయిన్ దొరికినట్టే. ఈ సినిమా కోసం ఆమె ఇప్పటికే బల్క్ డేట్లు ఇచ్చింది. ఎప్పటి నుంచో బాలయ్యకి సరైన హీరోయిన్ దొరకడం లేదు. కానీ, హనీ రోజ్ లుక్ చూస్తుంటే.. ఈ దశాబ్దంలోనే బాలయ్యకి సరైన జోడి అనిపిస్తోంది. మరి ఈ కలయిక ఎలా ఉండబోతుందో చూడాలి. అనిల్ రావిపూడి మొత్తానికి బాలయ్య కోసం బాగానే కసరత్తులు చేస్తున్నాడు.

Also Read:Junior NTR: సినిమా పేరు ని తన ఇంటి పేరుగా పెట్టుకున్న జూనియర్ ఎన్టీఆర్.. షాక్ లో ఫాన్స్