Anasuya Bharadwaj: జబర్ధస్త్ నుంచి వైదొలిగిన అనసూయ నెక్ట్స్ టార్గెట్ అవేనట.?

Anasuya Bharadwaj: తెలుగు బుల్లితెరపై ఎవర్ గ్రీన్ ఎంటర్ టైన్ మెంట్ షో ‘జబర్ధస్త్’. ఈ షో నుంచి ఇప్పటికే సుడిగాలి సుధీర్ వెళ్లిపోగా.. హైపర్ ఆది సైతం వైదొలిగారు. ఇప్పుడు అదే బాటలో ‘అనసూయ’ చేరింది. అనసూయ యాంకర్ గా చేసిన జబర్ధస్త్ షో లాస్ట్ ఎపిసోడ్ ఇటీవలే షూట్ అయ్యిందని.. ఆ తర్వాత ఆమె గుడ్ బై చెప్పినట్లు తెలిసింది.

తనను పాపులర్ చేసిన టీవీ షో నుంచి నటి అనసూయ తప్పుకుంది. పదేళ్లకు పైగా ‘జబర్దస్త్‌’కి యాంకర్‌గా ఉన్న ఆమె.. దాని నుంచి బయటకు వచ్చింది. ప్రస్తుతం ఆమె స్టార్ మా కోసం రెండు షోలకు హోస్ట్‌గా వ్యవహరిస్తోంది.

Also Read: Manjusha Rampalli: జబర్దస్త్ లో అనసూయ ప్లేసులో ఏం యాంకర్ ను తీసుకుంటున్నారో తెలుసా?

అయితే అనసూయ ఇప్పుడు సినిమాల వైపు దృష్టి సారిస్తుంది. ‘పుష్ప’ లో నటించాక అనసూయ వెల్లువలా అవకాశాలు వస్తున్నాయి. ఇటీవలే రెండు తమిళ సినిమాలు మరియు ఒక మలయాళ చిత్రానికి సంతకం చేసింది. ఆమె పాన్-ఇండియన్ ప్రాజెక్ట్ “పుష్ప- 2”లో కూడా తన పాత్రను పోషిస్తోంది.

అనసూయ వయసు ఇప్పుడు 40కి చేరువలో ఉంది. కాబట్టి తన టీవీ యాంకరింగ్ కు ఖచ్చితంగా ముగింపు పలకాలని ఆమెకు తెలుసు. అందుకే సినిమాల్లో కెరీర్‌ని సుస్థిరం చేసుకునేందుకు ప్రయత్నిస్తోంది. అనసూయ వెబ్ సిరీస్ లు.. సినిమాలు, ఫ్రీల్యాన్స్ షోలకు ప్లాన్ చేసుకోవాలని అనుకుంటోంది. అందుకే ఇక జబర్ధస్త్ ను వీడినట్టు తెలుస్తోంది.

ఇప్పటికే సుధీర్, హైపర్ ఆది వైదొలగగా.. ఇప్పుడు అనసూయ కూడా సినిమాల్లో బిజీ కావడంతో జబర్ధస్త్ ను వీడింది. దీంతో ఆ షో కళ తప్పడం ఖాయంగా కనిపిస్తోంది. వరుస సినీ అవకాశాలే అనసూయను బుల్లితెరకు దూరం చేస్తోందని టాక్ వినిపిస్తోంది.

Also Read:Chor Baazar Collections: ‘చోర్ బజార్’ ’6 డేస్ కలెక్షన్స్’.. ఇది బిగ్ ప్లాప్ !