Alia Bhatt Alpha Teaser: బాలీవుడ్ స్పై జానర్ సినిమాలకు కేవలం నార్త్ ఇండియా లో మాత్రమే కాదు , సౌత్ ఇండియా లో కూడా మంచి క్రేజ్ ఉంది. షారుఖ్ ఖాన్ , సల్మాన్ ఖాన్, హృతిక్ రోషన్ వంటి వారు ఈ స్పై జానర్ సినిమాల్లో నటించి , సెన్సేషనల్ బ్లాక్ బస్టర్ హిట్స్ ని తమ ఖాతాల్లో వేసుకున్నారు. ఈ స్పై యూనివర్స్ నుండి వచ్చిన చివరి చిత్రం ‘వార్ 2’. హృతిక్ రోషన్ హీరో గా నటించిన ఈ సినిమాలో జూనియర్ ఎన్టీఆర్ విలన్ గా నటించాడు. భారీ అంచనాల నడుమ విడుదలైన ఈ సినిమా , ఘోరమైన డిజాస్టర్ ఫ్లాప్ గా నిల్చింది. యాష్ రాజ్ ఫిలిమ్స్ స్పై యూనివర్స్ లోనే అత్యంత తక్కువ వసూళ్లను రాబట్టిన సినిమా గా నిల్చింది ఈ చిత్రం. దీంతో ఈ యూనివర్స్ కి ఇక ఎండ్ కార్డు పడినట్టే అని అంతా అనుకున్నారు.
కానీ ‘వార్ 2’ మూవీ చివర్లోనే , ఈ యూనివర్స్ నుండి ‘ఆల్ఫా’ అనే చిత్రం తెరకెక్కబోతుంది , ఒక చిన్నపాటి క్లిప్ హ్యాంగర్ సన్నివేశం తో చెప్పకనే చెప్పాడు డైరెక్టర్. ఈ సినిమాలో అలియా భట్ ప్రధాన పాత్ర పోషించబోతుంది. ఆమెకు గురువుగా బాబీ డియోల్ నటిస్తున్నాడు. శర్వరి స్పై ఏజెంట్ ఆఫీసర్ గా నటించబోతుంది. అనిల్ కపూర్ కూడా కీలక పాత్రలో కనిపించబోతున్నాడు. శరవేగంగా షూటింగ్ కార్యక్రమాలను జరుపుకుంటున్న ఈ మూవీ కి సంబంధించిన టీజర్ ని నేడు ఉదయం విడుదల చేయగా, దానికి ఆడియన్స్ నుండి అద్భుతమైన రెస్పాన్స్ వచ్చింది. స్పై యూనివర్స్ కి ‘వార్ 2’ తో ఎండ్ కార్డు పడిందని అనుకున్నాం , కానీ ‘ఆల్ఫా’ చిత్రం స్పై యూనివర్స్ కి పూర్వ వైభవం తీసుకొచ్చేలా ఉందే అంటూ కామెంట్స్ చేస్తున్నారు నెటిజెన్స్.
ఈ టీజర్ లో బాబీ డియోల్ తన కూతురు కి 18 ఏళ్ళు నిండగానే , దేశం కోసం ఒక సీక్రెట్ ఆపరేషన్ ని అందించడం , అందుకోసం ఆమెని చిన్నప్పటి నుండి ఆయన ఎలా తయారు చేసాడు వంటి షాట్స్ ఈ టీజర్ లో ఆడియన్స్ ని ప్రత్యేకంగా ఆకర్షించింది. అయితే ఈ సినిమాలో హ్రితిక్ రోషన్ కబీర్ గా కనిపించబోతున్నాడట. ఇది కేవలం అతిధి పాత్ర మాత్రమే, హ్రితిక్ రోషన్ తో పాటు , జూనియర్ ఎన్టీఆర్ కూడా మేజర్ విక్రమ్ పాత్రలో కనిపించబోతున్నట్టు సమాచారం. ఇదే కనుక నిజమైతే ఈ ఇద్దరి హీరోల అభిమానులకు పండగే అని చెప్పొచ్చు. ఈ ఏడాది జులై 3 న ఈ చిత్రం ప్రేక్షకుల ముందుకు రాబోతుంది. సోషల్ మీడియా లో సంచలనం రేపుతున్న ఈ టీజర్ ని మీరు కూడా చూసేయండి.
