Alpha Box Office Collection : బాలీవుడ్ లో ఒకప్పుడు స్పై జానర్ సినిమాలకు విపరీతమైన క్రేజ్ ఉండేది. యాష్ రాజ్ ఫిలిమ్స్ సంస్థ సల్మాన్ ఖాన్ తో ‘ఏక్ తా టైగర్’, ‘టైగర్ జిందా హై ‘, షారుఖ్ ఖాన్ తో ‘పఠాన్’, హృతిక్ రోషన్ తో ‘వార్’ వంటి సంచలనాత్మక చిత్రాలను నిర్మించింది. కానీ ‘పఠాన్’ తర్వాత ఈ సంస్థ నుండి వచ్చిన ప్రతీ స్పై థ్రిల్లర్ చిత్రం బాక్స్ ఆఫీస్ వద్ద ఘోరమైన డిజాస్టర్ ఫ్లాప్స్ గా నిలిచాయి. ఈ యూనివర్స్ నుండి వచ్చిన గత చిత్రం ‘వార్ 2’ అందుకు బెస్ట్ ఉదాహరణ. బ్లాక్ బస్టర్ చిత్రానికి సీక్వెల్, హృతిక్ రోషన్ , ఎన్టీఆర్ వంటి బిగ్గెస్ట్ సూపర్ స్టార్స్ ఇందులో నటించారు , సినిమా కూడా డీసెంట్ గానే ఉంది , కానీ బాక్స్ ఆఫీస్ వద్ద మాత్రం డిజాస్టర్ ఫ్లాప్ గా మిగిలింది.
ఈ యూనివర్స్ లో అతి తక్కువ వసూళ్లను రాబట్టిన చిత్రం గా ‘వార్ 2’ నిలిచిపోయింది. ఇక్కడితో ఈ స్పై యూనివర్స్ కి తెర పడిందని అంతా అనుకున్నారు. కానీ కట్ చేస్తే ఇదే యూనివర్స్ నుండి నేడు ‘ఆల్ఫా ‘ అనే చిత్రం విడుదలైంది. అలియా భట్, శర్వరీ ప్రధాన పాత్రల్లో, బాబీ డియోల్ , అనిల్ కపూర్ కీలక పాత్రల్లో నటించిన ఈ చిత్రం మొదటి ఆట నుండే డిజాస్టర్ టాక్ ని సొంతం చేసుకుంది. ఈ యూనివర్స్ పై జనాల్లో ఆసక్తి పూర్తిగా పోయింది , పర్వాలేదు అనిపించే రేంజ్ కంటెంట్ ఉంటేనే ఆడియన్స్ థియేటర్స్ కి కదలడం లేదు , అలాంటిది డిజాస్టర్ టాక్ వస్తే ఎలా కదులుతారు చెప్పండి. అందుకే ఈ చిత్రానికి మొదటి రోజు దారుణమైన ఓపెనింగ్స్ నమోదు అయ్యాయి. బుక్ మై షో యాప్ లో ఈ చిత్రానికి గంటకు 8 నుండి 10 వేల టిక్కెట్లు అమ్ముడుపోతున్నాయి.
దీనిని బట్టీ చూస్తే ఈ చిత్రానికి 10 నుండి 12 కోట్ల రూపాయిల నెట్ వసూళ్లు మాత్రమే వస్తుందని అంచనా వేస్తున్నారు నెటిజెన్స్. ఈ మాత్రం కూడా హృతిక్ రోషన్ గెస్ట్ రోల్ లో కనిపించడం వల్లే , లేదంటే ఇంకా దారుణమైన ఓపెనింగ్స్ నమోదు అయ్యి ఉండేవని అంటున్నారు ట్రేడ్ విశ్లేషకులు. ఇకనైనా ఈ యూనివర్స్ కి యాష్ రాజ్ ఫిలిమ్స్ సంస్థ ముగింపు పలుకుంటుందో , లేదంటే మరోసారి ‘పఠాన్ 2’ అంటారో చూడాలి. ‘ఆల్ఫా ‘ ఫలితం చూసి కూడా ఈ యూనివర్స్ ని కొనసాగిస్తే మాత్రం , అంతకంటే తెలివి తక్కువ పని మరొకటి లేదంటూ సోషల్ మీడియా లో నెటిజెన్స్ కామెంట్స్ చేస్తున్నారు.
