Balakrishna Akhanda Movie: బోయపాటి దర్శకత్వంలో బాలకృష్ణ హీరోగా నటించిన ‘అఖండ’ ఘనవిజయం సాధించింది. ఈ చిత్రం రిలీజై శనివారంతో 100రోజులు పూర్తిచేసుకోనుంది. ఈ అఖండ విజయాన్ని పురస్కరించుకుని మార్చి 12న కర్నూలులో కృతజ్ఞత సభను నిర్వహించనుంది చిత్రబృందం. ఇక బాలయ్య కెరీర్లో కలెక్షన్ల పరంగా అతి పెద్ద సినిమాగా అవతరించింది ‘అఖండ’. బాలయ్య నటనకు, యాక్షన్కు అభిమానులు ఫిదా అయిపోయారు. వారి ఈలలు, గోలలతో థియేటర్లు దద్దరిల్లాయి.
Akhanda
ఇక ‘అఖండ’ సినిమా అత్యంత ప్రతిష్టాత్మకంగా భారీ అంచనాలతో వచ్చి మొదటి రోజు నుంచి బాక్సాఫీస్ దగ్గర సునామీ కలెక్షన్లను రాబట్టింది. ఈ సినిమా కేవలం 8 రోజుల్లోనే బ్రేక్ ఈవెన్ అయింది. నటసింహం తన స్టార్ డమ్ ఏమిటో మరోసారి ఘనంగా బాక్సాఫీస్ సాక్షిగా గొప్పగా చాటుకున్నాడు. వాస్తవానికి అసలు ఈ సినిమా రిలీజ్ కి ముందు ఈ స్థాయిలో కలెక్షన్లు వస్తాయని.. ఈ సినిమా నిర్మాత కూడా ఊహించలేదు.
Also Read: ఆర్ఆర్ఆర్’ అలా చూస్తే కిక్కు ఏముంటుంది.. ఇలా చూడండి
కారణం, బాలయ్య గత చిత్రాలు జైసింహా, రూలర్, ఎన్టీఆర్ బయోపిక్ ఇలా వరుసగా అన్నీ సినిమాలలో ఏది పది కోట్లు కూడా కలెక్ట్ చేయలేదు. అందుకే దిల్ రాజుకి ఈ సినిమా నైజాం రైట్స్ ను చాలా తక్కువ ధరకే అమ్మారు. మొత్తానికి దిల్ రాజుకు ఫుల్ లాభాలు వచ్చాయి.
Akhanda
అయితే ‘అఖండ’ సినిమాకు రూ.53.25 కోట్ల థియేట్రికల్ బిజినెస్ జరిగింది. మొత్తమ్మీద ఈ చిత్రం క్లోజింగ్ కలెక్షన్స్ కి వస్తే.. రూ. 73.29 కోట్ల షేర్ ను ఈ చిత్రం రాబట్టింది. ఓవరాల్ గా చూసుకుంటే బాక్సాఫీస్ వద్ద ఈ చిత్రానికి రూ. 19.29 కోట్ల లాభాలు దక్కాయి. పైగా శాటిలైట్ అండ్ డిజిటల్ రైట్స్ రూపంలో అదనపు లాభాలు వచ్చాయి. అన్నీ కలుపుకుని లెక్క వేసుకుంటే.. 110 కోట్లు వరకు ఈ సినిమాకు గిట్టుబాటు అయినట్టే.
